اول مشاركه مدري علام القاف نوب يعصيني

[عبد الرحمن الشريف]

السلام عليكم .
اولا : انا عضو جديد بهالمنتدى الرائع واتمنى اني اكون عضو يفيد ويستفيد .
ثانيا : حبيت اشارك بهالقصيده من تاليفي وحاب منكم انكم ما تقصرون فيني ارائكم الرائعه وانتقاداتكم المفيدة وتوجيهاتكم الامعه . وشكرا

مدري علام القاف نوب يعصيني

مدري علام القاف نوب يعصيني= كني باحرك لي جبل من محله
لاجيت اسلي خاطري بالهجيني= والا على الطرق الهلالي وأهله
طاحت مفاتيح الشعر من يديني= في بير مـاله قــاع حـي وصلـه
وأعود استجدي من الدمع عيني= عله محل فرحي دمـوعي تبلـه
يمكن مع الفرحة تهب وتجيني= ريــاح بـرد وحـر هـمي تــشـلــه
وابا ابتهج وأنسى العنى يامعيني=وسيف الفرح من فوق همي باسله
واجالده واقضي علاه بيديني=وأدوس بطنه مـثـل مالـقـلـب عـلـه
وأشعل قناديل الفرح في سنيني= واغزي ديار السعد ثم استحله
واغنم من البسمات جوهر ثميني= وابني من الضحكات للنفس فله
الوقت مـايـسوى وأنا به حزيني= معـاد ابا للحـزن فالـقـلـب طـلـه
الحزن أرضـه مـثمـره بالونيني= والسـعـد مـثـل الغيمة ألمستهلـه
واخـتـم كـلامي وأكرم السامعيني=وابهر لهم من بن الأفراح دلـه

بقلم عبد الرحمن على الجودي الشريف

[عبد الرحمن الشريف]

انتمنا كرم المشرفين بتنسق القصيده ولكم الشكر

[سهيل مقحم الغنامي]

صح للسانك والله يحييك

ويبيض وجهـك

تقبل تحيتي

[مرزوق حمدان العتيبي]

..

.
رائعه ..
لاهنت وصح لسانكــ
...
تنسيق القصيده ياليت تمر على هالرابط
....

http://www.otaibah.net/m/showthread.php?t=92948

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD