قصيدة /ستر العذارى ,, وردي علاها

[عايض جزاء العصيمي]

وجه لي احد الاخوان نداه (ستر العذارى) على جهاز النداء(الايكوم) اربعة ابيات ورديت علاها

ستر العذارى/ يقول

ابا اسند الشكوى على الضيف وانخاه=تكفى يابو جزاء زبون الدخيلي
سبة غزال(ن) تل قلبي من اقصاه=ريم(ن) من القناص طبعه جفيلي
عرض عليه عصر يقصر خطاياه=ومن شوفته يالضيف قلبي عليلي
ماشفت من يشبه وصوفه وحلياه=مؤدبٍ باخلاق شكله قليلي

ورديت علاه بهذه الابيات

انا احسب ان ستر العذارى على نداه=واثره على بعض العذارى يميلي
ستر العذارى اللي يعيشن بحماه=ويضايق اللي يعبرن السبيلي
امطلع(ن) في فية العصر مركاه=ومسدح(ن) في جنبه ام الفتيلي
ماله جدى الا قولته واحلالاه=لامرته تاطا بعرض الشليلي
وراع الهوى دايم حصاته محناه=عند العرب لوكان علمه جميلي
والعذر عنه اليا بغيناه نلقاه=ماهو على ذريت ادم وكيلي
وانا معه بالجاه والمال يفداه=مع صاحبي ابا اعمل المستحيلي
قلي وش اللي يابيض الوجه تبغاه =وابشر بمطلوبك وراسك طويلي

[عبداللطيف الفضلي]

صح لسانك


دائماً رائع

[محمد الذيابـــي]

..

صح لسااانكـ



ولا هنت...

التوقيع

التوقيع محمد الذيابـــي

[عثمان الثبيتي]

صحت السنكم رائعين

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[عايض جزاء العصيمي]

عبد اللطيف الفضلي


صح بدنك لاهنت

وشكرا لك على مرورك الرائع

تحياتي وتقديري لك

[عايض جزاء العصيمي]

محمد الذيابي

صح بدنك

شرفتني بمرورك

تحيتي وتقديري لك

[عايض جزاء العصيمي]

عثمان الثبيتي

صح بدنك
والاروع هو مرورك لاهنت

تحياتي وتقديري لك

[عزارم]

صح بدنك ياطيب

[عايض جزاء العصيمي]

عزارم

صح بدنك لاهنت

شرفتني بمرورك

تحياتي وتقديري لك

[محمد@الجعيد]

صح لسانك رائع كما عودتنا