أخواني هنا في منتدى قبيلة عتيبه الهيلا الرسمي
إحتفل الشيخ دخيل الله بن سالم شيخ قبيلة الشهبه ليلة الجمعه الماضيه بزواج إبنه رشاد
حضر الحفل عدد من شيوخ ووجهاء القبايل وعدد من الشعراء
إليكم مشاركتي بالمناسبه
الأوله يالله ياعالم خفيات السدود=ياباسط الأرض وعليها رافع السبع الشداد
والثانيه يامرحبا باللي لفانا من وفود=نحيي ضيوفاً لفوا بماسبة حفلة رشاد
ترحيبنا ينشر على كل الأسامي والبدود=نحيي اللي لبوا الدعوه وجو حسب المعاد
والثالثه منا التهاني صادقه يابو سعود=ياشيخنا اللي لك مكانه ثابته بأقصى الفؤاد
شياخةٍ حضيوا بها الأحفاد من بعد الجدود=شيخاً يغيب وشيخ بعده يرتكي فوق الشداد
مهما كتبنا المدح فعل شيوخنا دايم يزود=العلم غانم والفعل غانم ودايم بإزدياد
حنا قبيله رمز لأصحاب الشجاعه والصمود=من يوم ماكان أشهب البارود يقدح بالزناد
يالله عساكم ياعيال شهيب دايم بالوجود=ياعزوتي يوم أتعزوى واكتب أبياتٍ جداد
يالاد ثابت يوم كلاً له مواريد او حدود=مباني عتيبه رغم كثر العدد والإمتداد
شرق وجنوب وغرب وشمال إبذلوا كل الجهود=إنهالت الهيلا بكثرة عدًه وقوة عتاد
ربعي عتيبه بيرق إبن سعود والعالم شهود=وقفوا بجنبه لين حتى تم توحيد البلاد
قمنا وعاهدنا حكومتنا ولا خنا العهود=وملوكنا ربي موفقهم على الراي السداد
كنا ولا زلنا.وإن أوعدنا صدقنا بالوعود=عاداتنا ماتختلف عشنا بها من يوم عاد
تاريخنا ماينجحد ونجابه الخصم الجحود=وشعيل قايم بالحمل مافكر بقرص القراد
| التوقيع |
ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد
حراً يموت وحر بالجنحان ينهض بالمطير=حمل الأمانه لو ثقيله قدها يابو فهد
وصل بن وصل الله الثبيتي |
« آخـــر الـــمـــشـــاركــــات »
02-Jul-2012, 12:43 AM
العلم غانم والفعل غانم ودايم بإزدياد
العرض العادي
