فلحان بن شميسان العضياني ـ رحمه الله

[النووي]

هذه بويتات متواضعه في حق هذا الرجل

رحمة الله عليه من ارشيف النووي

وهو فلحان بن شميسان العضياني رحمه الله

وقد عاشرته واي معاشره اعتبرها الفتره الذهبيه من حياتي

من اهل منطقة الدوادمي وهو عمدة الدوامي الى ان توفي

وله هجرة ابن شميسان شمال الدوادمي

عرف بالكرم والشجاعه وكانت كلمته اذا اوردها هي الفيصل

وعرف بالحميه لكافة فروع قبيلته الهيلا ولا يتردد في زجر من يحاول

التقليل منها او من احد فروعها ولو كان احد عياله

وكنت حاظرا عندما زجر احد المعتيدين على أحد القبايل باللفاظ البذيه

فمكان منه الا ان زجره وقال له كف عن التقليل من شان الاخرين

رحمك الله يابو غازي واسكنك فسيح جناته

العايله من جابها شخص عايل = والا الحصان احصان لو غار ماعال
مثل ابو غازي مايسب الحمايل = ولو جاه من سبه يخصه بالاقوال
حر(ن) سلايل حر ماله مثايل = وأفي أصيل معرب الجد والخال
كريم سبلا بالسنين الهزايل = وحكيم في كل المواقف والاحوال
من روس قوم(ن) يسرجون الاصايل = من ألاد روق ملطمة كل عيّال
ماقلتها أ رجي من وراها حصايل = لو شرعو صدري لقو طيب الفال
لقوه مع ناس(ن) بصدري قلايل = نفسي بخوتهم تغطرف وتختال
والا أنت ياالعايل مسب القبايل = ينقصك مايرفعك وأنت رجال
لاجاك من يمشي على الجنب مايل = خصه بهرجك لا تلحقلك رجال
ترى الزمن لو شفته اليوم حايل = ياسرع مايلقح ويالد بالاهوال