رفعت الرايه البيضا على ذا الوقت وحروبه

[يجيلك يوم]

غبيه يالقلوب اللي تبي في ضيقها إنسان

............................... إذا الإنسان في حزة رخاه.. اْيخون محبوبه


أدوّر بالنقا روحي ولا ألقى سوى الخذلان

............................... واسّحب حافي رجولي على الأشواك مغصوبه


نعم .. ياااااما انظلمت .. ودعوتي ما عنــّـها بيبان

............................... ولكني تسامحت و جرعت الظلم من كوبه


وش ارجي من ورا دنيا مشى فيها نبي ..وانهان؟

............................... رفعت الرايه البيضا على ذا الوقت وحروبه


انا ما جيت للدنيا رجا مخلوق ايًّا كان

............................... ولا يوم ٍ بقول لطيبتي .. ياطيبتي توبه


ولانيب انتخي دنيا ً دنيـّه في زمن خوّان

............................... مدام ان الله العالي حفظ للحــــــق مسلوبه


عباتي تستر عيوبي و راسي لابس ٍ تيجان

............................... وعزِّي مالي الدنيا بـ ذل ٍ لابس ٍ ثـــــوبه


أبهرب من عبير الورد واترك عطرها الذبلان

............................... عجزت استفرد بْحالي وانا لاحقني اْهروبه ؟!


حبيبي يا إلـــــهي .. أشتكي لك قلبي الشفقان

............................... وذولا كاتبـَينه وانت تدري ويــش قالوا به


سألتك رحمة ٍ تقبض جروح الروح يا رحمان

............................... ومتعة شوفتك غاية مُـنى الخافق ْومطلوبه


على الدنيا السلام إن كانها ما عمـِّرت بايمان

............................... سلامي واعذريني لو رحيلي قصـَّر اسلوبه

.
منقول


اخواني الاعزاء بالنسبه للقصائد الي انقلها لكم وأعرف اسم الشاعر بكل سرور أكتب أسمه لكن بعضها توصلني من غير اسم لشاعرها وحبيت ابلغكم لتوضيح الامر ومعرفة ان عدم ذكري للاسم ليش تجاهل مني لكم

ولكم مني جزيل الشكر

[ابـن نـعـيـس]

صح لسانك ولسان شاعرها


ممتع فيما تطرح دائما وتسلم يمينك


تحياااااااااااااااااااااااااااااتي

التوقيع

[يجيلك يوم]

اخي ابن نعيس

أسعدني مرورك العذب الذي

لايشبه إلا عذوبة ماء النهر

وشرفتني بكلماتك الجميله

عساااااني مانحرم منك


دمت لمن تحب

[فواز الشيباني]

صح لسانك ولسان شاعرها
يعطيك الله الف عافيه يا غالي

[يجيلك يوم]

اخي العزيز فواز

مشكوور على مرورك العاطر

وشرفتني بحضورك لاعدمتك

أشكرك على تواصلك يالغالي


أرق تحيه لك