قصيده في المقناص

[((الدلبحي))]

هاذي قصيده لصديق العزيز الشاعر المعروف بدر الحويفي الحربي:
والله يلولا غايتي مانقل الطير..............مانقل على كفي خفوق الجناحي
ابي اليا فزت تقل شعف معصير...........واقفت تعقد مع سهالٍ فياحي
ليا تلني واقفى يخطرف له السير........جايع وحاديه الزعل من صياحي
لاطقها بالصايدين المواخير................طاحت تدوس ونجم الطير صاحي
واليا حصل جولٍ رتوع ومخامير..........في ماقعٍعن نشر الادباش زاحي
وتركزن له تقل شولٍ معاشير.............وغزن غلبهن عقب ماهن مطاحي
منهن علق باللي مثل بكرة الظير........ونكد عليهن عقب ماهن ضواحي
وجيته يمزرها على القاع تمزير..........يشلق معلق ثديها بالجناحي
هذيك والله منوتي يالمناعير.............ان كان أنا مجنون وان كنت صاحي
وكلٍ برايه له تصرف وتدبير...............ولاحدٍ على الدنيا جلس واستراحي
وأرزاق خلق الله وهايب وتقدير.........ورزقي على مجري هبوب الرياحي
ولاينقص الرجال كثر المخاسير..........لصار دون الوجه ماهو سفاحي
والقل ماعذرب رجالٍ بهم خير............والمال ماعز الرجال الشحاحي
مار اتركوني يالوجيه المسافير.........هذا الذي وافق عليه اقتراحي

تقبلوا تحياتي:
((الدلبحي))

[ابن عاصم]

ليا تلني واقفى يخطرف له السير........جايع وحاديه الزعل من صياحي

صح السان قايلها وسلمت يمين ناقلها

شكرا يالدلحبي

علي الرائعه

[((الدلبحي))]

ابن عاصم يعطيك العافيه على كلامك الطيب وتشجيعك لي يامشرفنا
الغالي مشكور مشكور تستحق الطيب يالطيب
وتسلم يابن عاصم

[ابن مشيب]

تسلم يابو حمود , دايم متميز الله يعطيك العافية , وقصيدة في قمة الروعة.

لاتحرمنا تواصلك.

اخوك:
ابن مشيب.........الشيباني العتيبي.

[((الدلبحي))]

اخوي ابن مشيب مشكور على تواصلك المستمر طيب وقولك طيب
جميع ماتطلب حنا في اتم الاستعداد لتلبيته
وانتظر ماهو جديد يالغالي
تقبل تحياتي:
اخوك وصديقك((الدلبحي))