توقف حيلة الأخصام

[ماجد الهذلي]

السلام عليكم ورحمة الله وبركاته

هذه القصيده ألقيتها في حفل الشاعر عبد الله بن عتقان

بعد أن من الله عليه بالسلامه

إثر حادث ٍ تعرض له



هذي القصيدة

سلام ومرحبا في بالي التسليم والترحيب= عدد ما لاحت بروق المخايل في مخايلها
ويمطر نوها برشاش يالله يا مجيب تجيب=من مزون السحاب اللي تبا تروي همايلها
تراحيب ٍ تقدم بالورود الفاخرة والطيب=عن سليم الرجال اللي تشرف جيت قايلها
فعايلهم على الميدان بالتاريخ والتجريب=ومن يغزي سليم الروح كف الموت شايلها
عدوا سليم راسه شاب قبل يحين وقت الشيب=سلايل عرف بالأمجاد والتاريخ قايلها
سلم راسك يا عبد الله يروح الجيب يأتي جيب=لباس العافيه خيرا ً من الدنيا وزايلها
وترجع ساحة الميدان فارس ما طراه يغيب=توقّـف حيلة الأخصام ما تمشي محايلها
وأنا رجل هذلي وهذيل في تاريخهم ترتيب= أوايل فالقبايل والقبايل من أوايلها
تقدمنا وحققنا ومن عادى هذيل يخيب= ولا يتقدم سباق الخيول ألا أصايلها
وعاشت مملكتنا سالمه من شلة التخريب=بعز ٍ من كتاب الله نور الحق حايلها
تحت راي الحكيم اللي جوابه فالأمور يصيب= أبو متعب ملكنا راعي الطاله وطايلها
ومن عادى وطنـّـا بالسلاح نأدبه تأديب=يذوق الموت والأنفس تبا ترجع لسايلها
وشاة ومفسدين وللحقايق عندهم تقليب= حقايق ما تغير والنتائج من دلايلها
أبو متعب نصحهم نصح بالترغيب والترهيب= نفوس ٍ ضايعه متكبره ذاقت عمايلها
لهم تعذيب فالدنيا وعند الله لهم تعذيب= يذوق الموت والأنفس تبا ترجع لسايلها
وصلاة الله على المبعوث رحمه في زمان الريب=نبي ٍ من تبع نهجه يبا يلقى جزايلها

وأقيمت أمسية جمعت كل من الشاعر عبد الله الطلحي شاعر الحكمه المعروف

والشاعر وصل العطياني النجم اللامع

والشاعر عبد الله القثامي الشاعر المعروف

والشاعر حسين الحارثي الشاب الصاعد

وكانت ليله رائعه بروعه هؤلاء الشعراء تميز فيها عبد الله الطلحي ووصل العطياني تميز المبدعين