عسى خاطي قصيدة تاتي رصاصه من الرحمن

[جهز سيف العتيبي]

أحس إن الزمن غير الزمن والكون غير الكـون


قناعة شاعرٍ يكتـــــــب بطيش وينقري بـجــنان



إذا عرفي عدل جهلي كتبت بلا ضـرر وظـــنون

عسى خاطي قصيدة تاتي رصاصه من الرحمان


وإذا عرفي جهل جهلي كتبت للناس مايــــقرون

انا اللي حط في بطنه بحر شـــعر وبحور ا وزان



وإذا عرفي عرف جهلي كتبت وجعلهــم يد رون

بأن الشعر يكتب بالغموض وينمحي ب أحـسان



مدامالمعرفه(عينٍ) تبعها(الجيم) ثـــــم (النون)

أبكتب جعل ماقبلي ضياع وبعدي الــــــــــطوفان



يقولون المواعض مرعبه ولسانها ملســـــــون

وأناأقول السكوت عن المباح اصعب من الحقران



على جرت قصيد النوح ضاع النايح المـــــفتون

يجر من الحشا ونة غرام الذل والحــرمـــــــــان



ألا ياويل دلعونه نهــــــــــــــار يعافــــها دلعون

تموت الغاويه بحزانها مكــــــــسورت الجنحان



لوإن الشوق مشهاب الولع ماشــــفتهم يطفون

ولو إن الحب كســـيدالحياة أظلم سـما الاوطـان



ترى شما ياخو شـــما تضيع مع الثناء واللون

فراشه تحــــــــترق بالعاطفه وتموت بالنسيان



مجرد دمــــــــــعة إفراقٍ قديم وجرحها مدفون

هزمها الشعر وجتاحت حدود الصفح والغفران



دخـــــــــيلك مادريت ان السنابل حبها مطحون

تحت ضرسٍ تنحنح في هناك وكـح في الصمان



دخيلك تستر العاري ترى بعض الوضوح مجون
عليك الله (لات كــ ســر) عوج وتكــثر العودان



توسد حد جنبيه وعــــــــمرك بالــــــنقا مرهون

متى ماطاح ســــــنك عودت تضحك بك الثرمان





وأنا أظن الزمـــــن والناس والتيجان والغليون

تغض الطرف عــن بعض القصيد اللي بلاتيجان



قنــــــــاعة شاعرٍ يكتب بطيش وينقري بجنون

صـــــــــــــــعد ولا نزل مر وتلاشا وانتها دخان



مثل ماجاء عــلى غفله حــزين وشاعرٍ مطحون

على غــــــفله يروح الشعر والشاعر بلا عنوان