تدوم برقا .. وتعيش روق..

[مرزوق حمدان العتيبي]

...
.
الشاعر المبدع بحق
مطر الروقي ... يتفاعل مع الحدث بهذه
الدره الفاخره .....

يايوسف الا الك لابه كلهم فزعـه=والا العزاوي ليا جا وقتهـا جينـا
فزعاتنا للرفيق اسرع من السرعه=حنا رفاقـه ليـا منـا تعزوينـا
وان عودت كل شاعر ينتخي ربعه=حنا عتيبه من المينا الـى المينـا
حنا اشهر الناس بالنخوه وبالسمعه=مافيه فى الارض طيب الا لسامينا
مدام فينا الثلاث البيض مجتمعـه=على طوال الايادي طالـت ايدينـا
راياتنا من قديم الوقـت مرتفعـه=والله خلق روسنا اعلى من مبانينـا
مانكسب المرجله صدفه ولا رمعه=الحمـد لله علـى الطالـه تربينـا
سيل المكارم بدا من عندنـا نبعـه=حنا خوال النبـي هـاذي تكفينـا
الله خلقنا لنصرة دينـه وشرعـه=والناس تاخذ مبادي مـن مبادينـا
ويومٍ للسيف فى ارقاب العدا لمعـه=ياقوم ياقشر حـظ اللـي يعادينـا
كم شيخ قومٍ نعشي راسه الضبعـه=قصايد الفخر فـى الهيـلا تغنينـا
من غير قاصر باحد لكن لنا الرفعه=المجد فى نجـد بيمينـه مقهوينـا
لنا الشهامه عمامه والوفـا قبعـه=من وين جينا ورحنـا الله يحيينـا
والشعر حنا هله لو ماهو بطمعـه=لكن ليا جا التحـدي بـه تحدينـا
ومن يبتلينا بشـره يبشـر بقمعـه=النـذل ماهـوب لامنـا ولافينـا
وتدوم برقا وروق تعيش فى جمعه=واطيب تحيه لحاضرنا وماضينـا

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD