يوم الليال اشحاح للطيب تعريف$$

[ماله امان]

يوم الليال اشحاح للطيب تعــريف=راع الكرم والجود كل ٍ يشوفــه
طرى عليه عاسف الطيب تعسـيف=ابو معيض اللي عليه الحسوفــه
يوم الليالي وقتها شين ومخـــيف=لين جنابه دون راع الحفوفـــــه
ماصك بابه دون عانيه والضــــيف=من شأنهم ماهاب درب الكلوفـه
راعي دلال ٍ هدف للبن والكـــــيف=يأ ماذبح من حائل ٍ مع خروفــه
يوم الليالي معسره بيته مريـــــف=وقت القسأ يفرح بشوفة ضيوفه
وينصاه منهو فالدهر حاله صخيف=حاديه من ظنك المعيشه كسوفـه
يبشر بند الجود من غير تصريــــف=جزل العطايا مدته من كفوفـــــه
ويثني عليه الجار مأ شبله ضعيـف=يوم ٍ ولد اللاش جاره يحوفـــــــه
وعندالخوي ياقف مواقيف تشريف=وقت الشدايد والدهر من ظروفـه
واليوم أشوفه داني الحيل ويهيـف=قامت صواديف المنايأ تلوفــــــه
لوف السموم ليأبس العشب واللــيف=والفكر غايب والثمينه تطوفـــــه
جسمه سليم ولأ حصل فيه تخريــف=بس البلأ فأعصاب راسه نشوفـــه
والشافي المعبود والعبد بجريــــف=وارواحنأ مثل العذوق مخروفــــه
والموت اله حزات والموت لو عــــيف=المؤمن المخلوق يؤمن بخوفــــــه
لكن ياعيضه ترى الوقت تزيئيـــــف=جتك الرساله والخبر من حروفــــه
أقفوا وصدوا عنك من عقب تعلــيف=ربع الرخأ يأ جعلهم بالذلوفــــــــه
الهم على الصدات ونقول يأ حــــيف=كل ٍعلى ماقيل يرضي هنوفـــــــه
لأ طاب سوقه ولف الهرج تؤليــــــف=هئيت ٍ على مركاه مالت اكتوفــــه
لو كان بعض ربوعنا حيد ٍ منـــــــيف=يمشي على ما جازله بالمرؤفــــــه
واللي طواك اليوم يطويلهم هــــــيف=الوقت يدني والمنايأ سيوفـــــــــه

[وسلامت الجميع]30/7/1428هــــ
مشعل العصيمي$$$