من لم يكنْ له في حياته نصيرا ؟

[السميــــــري]

هذه خاطرة كانت على عجاله ..
جعلتها لكم هنا .. آمل تنال تذوقكم .. !

من لم يكن له في حياته نصيرا = عضتهُ أنياب الزمان القواطيع
باعي مع اهل الباع ماهو قصيرا = ولا فاقدٍ حيله لنيل المطاليع
طيرِ بلاجنان صعبٍ يطيرا = لو كان يشبه للنصور المفاريع
والسيف من هيبته عزّ الجفيرا = لو أن مايشبه لحد البواتيع!
والصاحب اللي مايجي لي خشيرا = في عاصي الأيام ولاّ المطاويع
هذاك أنا أدفن خوته وسط بيرا = والطبع مايغلبه كثر التطابيع
وين الرفيق اللي محالَ النظيرا = خوته ماتنباع لو قيل ليّ بيع !!
هذا زماني والليالي تسيرا = ومن لا يجي متبوع جوه المتابيع
بصيص عين ولا عماة البصيرا = أقنع قبل تقنعك غصب المقانيع
يالله وانا طالبك وأنت المجيرا = تجعل لي الأخرى بروضٍ مرابيع
لا طالبٍ دنيا ولا لي عشيرا = رحمتك لا جوك الأوادم رواجيع

[عبدالرحمن الهيلوم]

صح السانك ياالغالي
مبدع ولاغرابه

[مرزوق حمدان العتيبي]

..
بصيص عين ولا عماة البصيرا
أقنع قبل تقنعك غصب المقانيـع
يالله وانا طالبك وأنت المجيـرا
تجعل لي الأخرى بروضٍ مرابيع
لا طالبٍ دنيا ولا لـي عشيـرا
رحمتك لا جوك الأوادم رواجيع

..
والله دره يارائع ...
ماشاء الله عليك ... في ابداعك يالسميري ..
.. سعدت بقراءتها ... وسأعود قراءتها مرات ومرات ..
.... فهي لاتمل....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السميــــــري]

صح بدنك يالهليوم ..
شرفت . .
وأسعدتنا ..

[معجب العتيبي]

الله الله


السميري صاحب الذوق المتنقل بين العربي والفصحى

النظم والمحاوره

ابدعت ابدعت

صح لسانك ياغالي

التوقيع

[عبدالله الجـــذع]

والسيف من هيبته عزّ الجفيـرا
لو أن مايشبه لحـد البواتيـع!

السميري
شاعر عملاق ومبدع
بيض الله وجهك على امتاعنا بهالجزله
لاتحرمنا جديدك
محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[حمد بن جوباح]

باعي مع اهل الباع ماهو قصيرا
ولا فاقدٍ حيلـه لنيـل المطاليـع

كفو يا السميري كفو

شاعر مبدع وخاطرة حكيم

صح لسانك

.
.
.



















تحياتي لكـ ،،

[السميــــــري]

المشاركة الأصلية كتبت بواسطة مرزوق حمدان العتيبي

..
بصيص عين ولا عماة البصيرا
أقنع قبل تقنعك غصب المقانيـع
يالله وانا طالبك وأنت المجيـرا
تجعل لي الأخرى بروضٍ مرابيع
لا طالبٍ دنيا ولا لـي عشيـرا
رحمتك لا جوك الأوادم رواجيع

..
والله دره يارائع ...
ماشاء الله عليك ... في ابداعك يالسميري ..
.. سعدت بقراءتها ... وسأعود قراءتها مرات ومرات ..
.... فهي لاتمل....

أنا فخور بمرورك العذب .. وتشريفك لقراءتها ..
وصح بدنك يابو محمد ..

كل الثناء لك ..!

[السميــــــري]

معجب العتييي ..
حياك تحياة المطر .. صح بدنك ..
هذا من ذوقك الجميل ..

شكر لمروك العطر ..!

[محمد العتيبي]

صح لسانك يالسميري ..

دره ثمينه ورائعه استمتعت بقرائتها ..

تحيتي وتقديري ..
...

التوقيع

للتواصل عبر twitter تويتر al_bargawy@