الأمير أبن ضليف يمدح الفارس عيد بن معلث

[يوسف بن معلث]

هـــذه القصة قديمة علي روح ( الأمير أبن ضليف ) رحمة الله عليه

كــان (عـيد بن معلث )وأخيه (لافي بن معلث )ومعهم ثالث (لايحضرني أسمه)

وهـم بوارديه من الدرجة الأولي أناذاك وحين مرورهم علي أحــد القري قال

خلونا نمر عليها ونتشرا منها والله ويوم خلصوا مادروا الا القوم تلحقهم

ومايدرون منهم هالقوم الا تالي والله وهم ينحاشون عن القوم لاتاخذهم

ويوم فكروا الا ( عيد بن معلث ) حول من وروك الذلول وهو يصير في

مقرن الريع وهو يرمي ذلول الأمير لاهي طايحه وقبل الرياجيل مايذبحون

بعض الا بالماقف الغصاب والا الذبح دايم بالمطيه لتجنب الثأر والله يوم

شافوا القوم ذلول أميرهم طاحت والله وهم ياقفون هاااه ثم عود

لافي بن معلث ياخذ أخيه عيد بن معلث ويرحلون من هذه القريه

ودروا تالي أن القوم اللي جوهوا الأمير أبن ضليف وهذه القصة قديمة

وسبب ذكري للقصة هو قصيدتها الأكثر من رائــعة وصياغة المعني

والجزالة التي فقدت هذه الأيام وفي أخر سرد القصة لايسعنا ألا

أن نقول رحمت الله عليهم جميعا 000 آمين

وهذى القصيدة:

واسـابجـاه اللي تـنومسبها عـيد
سـدد عليها لين صـايد نحـرها

حـولها في مـقرن الريـع بالحـيد
بالمـارتين اللـي حفـظ فـي قـطرها

حـولها يـوم أختلف كل رعـديد
كد خـربت الصبيان ضاعـت أفكرها

حـولها والجيش غـادن جلاعيد
فـي سـاعتن علـي الحـول خـطرها

جـيته ولحسب رميـهم فـيه تـركيد
وأثـره قـبلي كـم سبوقـن عـثرها

ياليتـ أخذت أقـضاه من جيـشهم فيد
عـيا عليـها اللـي عـدل فـي نـظرها

قصيدة للأمير ( أبن ضليف )