ردا ً على قصيدة الشاعر / ناصر النفيعي في الشيخ / محمد بن زايد النخيش

[طارق النفيعي]

هذي قصيدة للشاعر / محمد بن غازي النخيش مجاراه لقصيدة الشاعر / ناصر بن علوش النفيعي

في الشيخ / محمد بن زايد النخيش

قريت قاف اللي بعرفه تنقاه=في مدح من بأرواحنا له نفادي
في مدح مثله يعجز الشعر يافاه=ماتافي بيوت القصيد الجدادي
شيخن طموحه من شبابه تناماه=حرن على الجزله كثير الهدادي
من جاه مايرجع بلا شي لاجاه=ربيع من وقته على الجدب شادي
فزوع لاجوه المفازيع تنخاه=له جاهةن محفوفةن بالمبادي
لاقام في حل المشاكل غبطناه=من سرع حله للكروب الشدادي
نومس ألاد نخيش من طيب مرباه=بفعلن وفكرن ماغشاه السوادي
ونومس ألاد نفيع صيتن تحاماه=بالعرف والحكمة ورأين سدادي
ونومس عتيبة كلها كسب يمناه=اسمه علم فالتلفزه والروادي
لاحل ذكره فالمجالس وطرياه=تلقى النعم فأقصى حدود البلادي
صيته وصل كل الدير لو تحلاه=ماله حدود إن كان تبغى الوكادي
خط القوافل يوم أبو تركي أنياه=بنى بجنبه ديرته واستفادي
بيته وبيوت الربع حوله امبناه=بيوت طينن شيدت باعتمادي
الهمجة اللي بالمشاريب تهناه=ذودن كما الضلعان حول المنادي
لو جيت أبوصفها قصر وصفنا ذاه=حلوة مراتع لأمهات التوادي
كون بها ديرة عريقة ومشهاه=نظرة حرارن ماتهوم الرقادي
وعالج هماج الماء برأيه ومبداه=وشرا القليب اللي حلاها يرادي
وأسس على الخط الحجازي بناياه=ونادى هل الهمجه تشد البيادي
فترة بسيطة واتضح مبعد الناه=وجوه العرب من كل حدبن ووادي
يبغون منزالن بجنبه ويحماه=ولا رد أحد يوم إن فكره ريادي
فضله على العربان وشلون ننساه=واللي تناسى علموه الرشادي
واللي لقا الإحسان من مثل حلياه=لايجازي إحسانه بشلفن احدادي
واليوم شف داره بفعله امحلاه=ماخاب من صيته على الكل سادي
وربعه على عزه تعينه وترفاه=ولا تذخر لرفعة بلدها مدادي
معروف ابن زايد على الكل تلقاه=ولا يجحد المعروف كود الربادي
ياقو فرقا العود لاراح قواه=على جميع اللي عطاهم ودادي
تقصر بيوت الشعر في مدح شرواه=لو يبذل المجهود والاجتهادي
ولاصار له ماكر حصينه نحاياه=تلقى اعياله تعتلي باستنادي
تارث اشدادن ناهياتن مزاياه=شيد أساسه في زمانن نكادي
واليوم كمل كل شين تمناه=وسلم زمام الأمر والوضع هادي
سلم لأبو محمد رعاية رعاياه=وبين أمام الناس قو الشيادي
موجود راع الصيت بالرأي والجاه=شيخن على المحتاج ياكم جادي
الله من اصدوف الزمن ذاه ياقاه=ويجعل حياته بالسعد فازديادي

الشاعر / محمد غازي النخيش النفيعي


وعذرا ً على القصور

أخوكم / طارق النفيعي

التوقيع

أخوكم : طارق النفيعي

[محمد النفيعي511]

[طارق النفيعي]

مشكور على تواصلك ..

[عبدالله الجـــذع]

طارق الله لايهينك

قصيده رائعه للمبدع محمد غازي

والله يعافي الشيخ محمد ويرده سالم غانم

الف شكر

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[طارق النفيعي]

أشكرك على تواصلك الجميل

واللهم آمين ..