بإسم الطنايا لابتي والسناعيس إلى قبيلة عتيبه (حصري)

[حمود بن بجاد الدلبحي]

بسم الله الرحمن الرحيم

السلام عليكم ورحمة الله وبركاته

بالأمس القريب , ذهبنا انا وصديقي الأخ / محمد الرمالي الشمري لزيارة احد أصدقائه

ومن باب الصدفه , قابلت ماكنت أتمنى مقابلته من زمان وخصوصا بعد قصيدة أمام وزير الداخليه الكويتي بعتيبه وبشيوخ قبيلتنا


قابلت

الشاعر حمود بن نافع الراكان الشمري



فكانت نعم الزيارة وجلسنا معه وتسامرنا معه في بيته وشكرته بالنيابه عن عتيبه الهيلا على قصيدته

وأخذت منه هذه القصيده الثانيه كبث حصري لمنتدى الهيلا , بمناسبة فوز الشيخ / فنجال بن سلطان الشيباني (ابو خالد)

بمزايين الأبل وفي نخبة النخبه , ويستاهلون شيوخنا كل خير

ويستاهل ابو ميزر (الشاعر حمود) كل خير , ونشكره على مشاعره الطيبه وعلى قصايده الكثيره في قبيلة عتيبه


وهذا إن دل على شي يدل على طيب أصله ومعدنه


فشكراً لقبيلة شمر عامة وشكرا للشاعر / حمود الشمري خاصه


اترككم الأن مع القصيده

بإسم الله الرحمن وأبي ألعن إبليس=وإبي أكتب أبياتي ولحد ٍ دريبه
بإسم الطنايا لابتي والسناعيس=حبيت أبارك ثم أهني عتيبه
في فوز فنجال الكرم مرهي الكيس=اللي رقاله ضلع محد ٍ رقيبه
في فوز فنجال الفخر والنواميس=وهذي على فنجال ماهي غريبه
وبأم رقيبه تحطمون المقاييس=وفي نخبة النخبه وإهي من نصيبه
فنجال نار ٍ تصطلي له مقابيس=هيبه مهيبه للمصيبه مصيبه
فنجال طنخه ما إتحدد ولا تقيس=فايز بطيبه دون شك ٍ وريبه
فنجال لا ضاقت دروع ومتاريس=يلعن أبو منهو يعادي عتيبه
فنجال شيمة نفس عز ونواميس=خوي الخوي لا ما يخلي خويه
أقولها وماهمني يزعل الهيس=فنجال فخر ٍ لرجال العريبه
وبإسم الطنايا لابتي والسناعيس=شمر تبارك فوزكم يا عتيبه

اخواني واخواتي


تقبلوا تحياتي


اخوكم


الدلبحي

[ابو محمد الدعجاني]

ونعم بالطنايا شمر وبيض الله وجه الشاعر حمود وصح السانه ويستاهل فنجال المدح وما يمدح الطيب الى الطيب

لا هنت يالدلبحي

[أبوضاري]

صح لسان شاعرها ولاهنت أخوي على نقل القصيده شكرا لك

[الرومي]

ونعم بشمر الطنايا ..ونعم بك يالدلبحي .

قصيدة تستحق النشر نعم القائل ونعم الممدوح.

التوقيع

migeed33@hotmail.com

[بجّاد الثبيتي]

ونعم والله بشمر الطنايا
وصح لسان شاعرها ويستاهل فنجال شيخ المراجل

ولاهنت يالدلبحي على هالقصيدة
ولاتحرمنا من طرحك يالكريم ..

[حاتم عبدالله]

ونعم في المادح والممدوح

لاهنت يابطل

[فهد النفيعي]

عتيبه اهل ان تمدح

وشمر قبيله عزيزه على قلوبنا بلاشك

قصيده رائعه وجزله

والله يبيض وجه الشمري ووجهك يالدلبحي

[وثاب]

صحْ لسآنه 00 ثمْ صحْ لسآنه 00 ثمْ صحْ لسآنه 00


ومشكور يالدلبحي

بيض الله وجيهكم

[عبدالرحمن الهيلوم]

ونعم بشمر الطنايا ..ونعم بك يالدلبحي .

قصيدة تستحق النشر نعم القائل ونعم الممدوح.

[الــعــد*** الــرهــاوي]

والله ونعم بالشاعر حمود والسناعيس كلهم
ولاهنت يالدلبحي