قصايد مختاره (الموضوع قابل للاضافه )

[ابو محمد الدعجاني]

السلام عليكم ورحمة الله وبركاته

حبيت اقدم لكم بعض القصايد الجميله

نسيتني علمني وشلون ابنســــاك=في هالزمن نسان الاحباب عـادي
وشلون لامرت على البال ذكـــراك=وطيفك سرق مني لذيذ الرقـادي
وشلون لا قالو لي الناس وش جـاك=من كنت في لذة منامك تنــادي
وشلون اعيش اللي بقالي بليــاك=لامن غدينا كل واحد بــــوادي
لو قلت اداوي جرحي اللي تباطاك=ماكل جرح يفيد فيه الضمــادي
اعلنت حبك لين كلن تمنــــــاك=غلطه وغيري من خطاي استفـادي
لو لي مثل قلبك تمنيت فرقـــاك=واكيد قبلك بالجفا صرت بـادي
حلوه عذاريبك وحلوه مزايــــاك=حتى بيوم افراقنا كنت هــادي
كن الليالي ودها تكسب ارضـــاك=وانا يطول مع الليالي جهـادي
في ذمتي ماهي غريبه خطايــــاك=مبطي وقلبك لو تنبهت غـــادي
سهله على من كان مثلك وشــرواك=مثل الثياب يغيرون المبــادي
علمني اكره ذكرياتك وطريــــاك=ونسى من الليله صدوق الودادي
ولاني بقايل عقبها كيف ابلقــاك=راضي لو ان جروح قلبي جـدادي
ولا القصايد جعلها من فدايـــاك=لبستها مبطي ثياب الحـــدادي
باكر على المخطي يدورون الافـلاك=ونشوف من يصعب عليه البعـادي

الشاعر ::متعب التركي

بعض العرب حبـه يـوردك الجنـون=ولا يوصف لـه غـلاه احكـاك لـه
مايقنعه وصف الغلا لـو وش يكـون=لو كل حـرفٍ بالحريـر يحـاك لـه
الموت جاك وهـو تقلبـه الضنـون=ولا لك الا الصبر....وش وداك لـه؟
ان قلت ضايق..قال : هونها تهـون=مايدري ان ضيقتك لـه وبكـاك لـه
تقعد تحبه وانـت ساكـت ومغبـون=يمكن بيوم يقال له مـا اوفـاك لـه
وكانك مشكك هو يمون او مـا يمـون=تخيّل ان عفـت الصبـر فرقـاك لـه
غلاه من فوق الغـلا ماهـو بـدون=وحكاه سمعك يجبـرك بارخـاك لـه
ودك تحطه فالعيـون مـن العيـون=وتبسط على رمضى الثرا يمنـاك لـه
وتظله من الشمس في ظل الجفون=ولا يمر اذنه سوا لباك له
وتسج من غيـره لونهـم يذكـرون=ومنين ما سجت القـدم ممشـاك لـه
فلو ٍ يميله التـرف ميـل الغصـون=غصن ٍ ليان ومكرمـه بسقـاك لـه
جديله الى اقفى ستـر منـه المتـون=كنّـي بريحـه لالتفـت لدعـاك لـه
يزها الملابس ..اي لبس ..واي لون=وفالليل وجهـه لا ظهـر قـداك لـه
كيك وعسل لكن ماهو فـي صحـون=ودعاك من عين الحسود اغطاك لـه
الله لا يعطيـه نـاس س ينضلـون=ويستر عليه مـن النحـل لا ياكلـه
الوصف والتعبير في وصفـه يخـون=غير اطلب الله يستجيب ادعـاك لـه
وعذال قلبك فـي محبتـه يخسـون=سكينهم عـن قطـع حبلـه حاكلـه
اللـي مـن لحـوم الاوادم ياكلـون=وحلوقهـم دافـع البـلا متواكـلـه
ناس ٍ عن اعراض العرب ما يعرضون=ودايم على نفس الشكـل والشاكلـه
في سلمهـم اولا بالاكـل الاقربـون=واطيبهم اللي صيدتـه شكـواك لـه
يدعيهم الشيطـان للذنـب ويجـون=هـذا يقطـع لــه وذاك يواكـلـه
يا جعلهم فدوة ثـر الغـض الفتـون=اللي على الدرب الطويل اخطـاك لـه
طيفه الى نـام البشـر زارك بهـون=وطيفك الى نام البشـر سـرّاك لـه
حبه دفان ومقبـرة خضـر الطعـون=بيـن العظـام العـوج كنـك تاكلـه
اللي كذا حبـه لـو تمـوت مغبـون=ولا لك الا الصبـر .. وش وداك لـه

الشاعر:: محمد ابن فطيس

[أبونواف]

بن غزاي الخظري
مشكووووور يالغالي وقصائد جميله

[ابو محمد الدعجاني]

شرفني مرورك يالغالي

[ابو محمد الدعجاني]

نادت مشاري .. صاحوا الخلق لبّيه=من زينها كل الخلايق مشاري
لا تكسرين بخاطر الطفل حبّيه=والعمر ضايع بين بايع وشاري
ماهو بذاك البعد يومك تنبّيه=المبعد اللي مالقى منك طاري
الحب ماازريته ولاني مخبّيه=سفيه قلب ولا لقالك محاري
جيتي وكن القلب حزنه مربّيه=رحتي وحن القلب .. من فيه داري ؟
جيتي وشاب القلب مااحدٍ ملبّيه=رحتي وشب القلب .. يا قوِّ ناري
يا هالغريبه : هاللقا لحظةٍ .. ليه؟=مايمدي افرح .. وانهبته الذواري
ياليتني بين الحنايا مغبّيه=هي لحظتين ويعتق الليل .. ساري
عطر الزوايا .. من شذى ماتركتيه=وباقيه خالد في زواياي ضاري
يا حظ طفل ٍ مادرى انك تحبّيه=ويانار طفلٍ .. ضيّعته الحواري
صاحت وانا مابين سمّـي و لبّيه=راحت وانا للحين ادوّر مشاري

الشاعر ::فهد عافت

[ابو محمد الدعجاني]

ياللي على شان معكازي تبيـن لـي
___________ رجلي على حالها وانا علـى حالـي

والكسر ما هوب في رجلي علي كلي
___________ وانت السبب في الغرابيل اول وتالي

تكفي مراسيلنا العجـلات يـا خلـي
___________ عن اخذ الاخبار والا شوف الازوالي

قلبي وقلبك توصل لك وترسـل لـي
___________ بيني وبينك مثل موجات الارسالـي

ردن سلامي عليك وجن قالن لـي
___________ انك ترحب وانا في خاطرك غالـي

ليت الغرابيل جتني مـن عـدو لـي
___________ إن ما تقاضيت والا بيتقاضـى لـي

لكن من واحـد ذكـره غنـاة لـي
___________ ما زلت احبه,, وابا احبه ولا ابالـي

لامر طـرق بخدراتـه سـلام لـي
___________ كنه يسلـم علـي بصوتـه العالـي

خلوني اسج عن موضوعه احسن لي
___________ والا الغلا,, والله ان يبطي و هو غالي

الشاعر ::سعد بن جدلان

[ابو محمد الدعجاني]

حزن المسافر فاق طول المسافة
نوى السفر واستودع الله غاليه

لاصار لهمومي ملاذ وضيافة
لو مابكيته مابقى شي ابكيه

ابكيه نهر تاه مجرى ضفافه
ابكيه سيل ضاق به حجم واديه

صبري بلغ حد الندم والرهافه
صبر بدونه قلعته ويش ابي فيه

تكفون بالله لو عليكم كلافة
توسطوا من اجل عيني تراعيه

ابي اشوفه قبل يصعب مشافه
في ديرة مايندرى وين واديه

قبل يصير اللي حكى باعترافه
ماقدر على حر الفراق وبلاويه

ان كان لله عندهم من مخافه
قلب تولع لايروحو بغاليه


ياصعب ليمن راح قهر --حسافة
قلبه يناديني وقلبي يناديه

ياليت حبي له مجرد لقافة
يطري علي لامسيت ولاصبحت ناسيه

الشاعر:: نايف العويمري

[ابو محمد الدعجاني]

هذا القلم/آلة حـزن تعـزف حـروف ..
وهذا الحبر/خمـر الـورق والمعانـي
حبيبتي وان شفتـي أقلامـي وقـوف ..
لا تحسبين إن أعـذب الشعـر جانـي
حتى الشعر تعترضه أحيانـا ظـروف ..
ويمـر فـي قلبـي وينسـى لسانـي
جيت أوصفك ماتت تحت رجلك وصوف ..
جيت أنطقـك راح الكـلام وعصانـي
حبيبتـي والليل/شمـاعـة طـيـوف ..
عليـه علّقـت الأمــل والأمـانـي
أتذكرك والبـرد ووشاحـك الصـوف ..
كم كنت محتاجك وكـم كنـت أعانـي
وأتذكـرك والحيـرة تحايـل الخـوف ..
كـم كنـت خايـف لا يقصّـر حنانـي
كنتي/وأنا/والعشق/والجـو محـفـوف ..
ما زاد عنـا غيـر صمـت المبانـي
كان السهر طربـان والليـل مكسـوف ..
وكان الحكـي مـن شفتينـك أغانـي
في الليلة اللي بدرها صابـه اخسـوف ..
كنتـي هـديـه للسـمـا والمـوانـي
صرتـي مكانه/وأقبـل الغيـم ملهـوف ..
يبـي يضمـك بـس نـورك أنـانـي
وأنا مثل هالغيم مـن حولـك آطـوف ..
بغيـت أضمـك بـس عيـا زمـانـي
نضحك حزن/ونشوف/ونصد/ونشـوف ..
ونضيق/والضيقـه سجينـة محـانـي
ما فيه داعي نسمـع أعـذار وحلـوف ..
مـا دام مـا نقـدر نعيـد الثـوانـي
أنتـي رحلتـي دون تلويحـة كفـوف ..
وأنـا رحلـت بـدون قلب/وأمانـي !

صلاح العرجاني

[محمد العتيبي]

تسلم يداك يابن غزاي ..

التوقيع

للتواصل عبر twitter تويتر al_bargawy@

[ابو محمد الدعجاني]

ونت سالم اخوي محمد وشاكر مرورك يالغالي

[كعام المعادين]

صح لسانك مدد بلاعدد

ولك كل التقدير والاحترام