اليا خسرت !.. من نظمي ..!

[الشاعر فهد رحيم النفيعي]

هذه قصيدة من نظمي بعنوان ( اليا خسرت ) ارجو ان تنال رضا الجميع




اليا خسرت

اليا خسرت ريال والا ريالين = ما تنحسب فالسوق هذي خسارة
اكبر خسارة تخسر العرض والدين = إن كان تعرف في عروض التجارة
يا كم حريص(ن) يجمع الآلف والفين = حق الآقارب منكره قبل جاره
ما يتعض مما حصل بين الأدنين = في لحظة(ن) وحدة يصدر قراره
ما يعتبر والعمر من فوق ستين = تلقى علومه واصلة كل حارة
واللي موفق ما نهر كل مسكين = ما ينهر المسكين ويزيد ناره
والله يكفينا من الهم والدين = الدين مثل النار تقدح شراره
ويا الله انا طالبك فالوقت ثنتين = ديني وعرض ما وراها تجارة