مجاراة لقصيدة الشاعر ناصر الجلاه .. الموجه للشاعر مقعد الدغيلبي / مدامني بناخ للزلامي

[طلال ناشي]

بعد التحية والإحترام ,,,

مجارة متواضعه لي قصيدة الأخ / ناصر الجلاه
واللتي وجهها للأخ / مقعد الدغيلبي

ألا يالله يارب البرايا = ياربٍ ماسجت ألوجه غيره
ياعلام الظواهر والخوافي = وعالم ماتكنبه السريره
اسالك مغفرتك وكل عفوك = خطاياي الكبيره والصغيره
تخجلني وأنا عبدٍ رجاوي = رجايه رحمتك في كل سيره
بعدها ياسلام الله سلامٍ = على ناصر وابن عمه خشيره
وعلى ربعي عتيبه كلبوهم = وعلى اعضا منتدى الهيلا ومديره
وعلى اللي شرفونا بمنتدانا = رياجيل الوفى من كل ديره
وعلى اللي يحتمون القاف وهله = وعلى اللي عندهم للشعر غيره
وناصر بيض الله وجه ناصر = ليا غنى رحاته مستديره
لياغنى تشوقني طروقه = ولا يشعب على العميا بعيره
كلامه في مكانه ماتعدى = بعد غنا ماراح بحق غيره
وأبوفيصل عليه ملاحظاتي = وراه يجرح اسلوك الظفيره
مدامني بناخٍ للزلامي = كبير الشعر واستاذه واميره
عليه بالحرام وبالحميه = لوقف معك بسيوفٍ شطيره
وحامي كل ماراحت حمايا = وردلك العسيري في عسيره
أنا مرضى ينوش الشعر زله = ولا ارضى المبتدع يجرح ظميره
أداري ماه وزيوته وابنصه = وماطوره وليتاته وسيره
أوقفبه تحت ظل المظله = ومن حرصي ليا وقفت اديره
قليل العرف لونه يسوقه = لياساقه حرق دزقه وقيره
هذى ردي لونك ماطلبته = ولاكن العلوم ألها بريره
وختم القاف شكري ومتناني = على ناصر وابن عمه خشيره
وصلى الله على سيد البرايا = بشير الحق والهادي نذيره

وســـــــلامتكم .

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com