رســـالة وفاء وصدى الاستاذ:فيصل الروقي

[عناد الشيباني]

السلام عليكم ورحمة الله وبركآآتة


هذه القصيدة ارسلتها للشاعر والاستاذ:فيصل المرشدي

بعد ان نقل الى مدرسة ثانية قبل حوالي سنتين

ورسلت له هذه القصيدة

بعنوان
رسالة وفاء..

تدور الليالي والقدر بالعرب لعاب=مثل لعبة الشطرنج..والكيرم المشهور
يفرق حبايب مثل ماجمع الاحزاب=ولانعترض في حكمة الوالي المشكور
ولكن فيه اصحاب يبقون دوم اصحاب=لو الوصل محني بينهم حنية الباكور
سلامي على اللي لبس المرجله جلباب=وخلا الوفا في عتمة اهل الضعافة نور
سلام(ن)من التقدير والود يكسا اثياب=وتومي به ارياح المعزه غلا واسرور
سلام(ن) يخص المرشدي والذياب اذياب=يخصك يافيصل طايل الباع واف الشور
عباره عن رسالة وفا.. عقب طول اغياب=ومضمونها يبني من اجل المواصل سور
لإن المواصل واجب ولاعنه مجناب=ومن يقطعه مهوب ياصاحبي معذور
وببارك عليك..بقرب شهر(ن) يفك ابواب=على الخير..باذن اللي يخل الخطاء مغفور
وتقبل تحياتي..عدد ماقريت اكتاب..!!=وسلم ودم في حفظ محي الاراض البور

رد فيصل الروقـــي

تدور الليالي والعرب وسطها اسراب=وسربا(ن)تجمعهم وسربا(ن)غدا منثور
واحد لويغيب ايام يلقى زعل وعتاب=واحد لويغيب سنين ماينحسب مذكور..!!
ومهما يجينا فالليالي ظروف صعاب =جسور المواصل بيننا ساسها معمور
ترى خوة الطيب من اقراب والااجناب=تنومس وتبقى دايما" سيفنا المذخور
سواتك يابن فوزان يامجري الهياب=ياصقر"من ارجال" شغاميم وايضا صقور
وصلني رسالة ود وابيوتها اعذاب=من الصاحب اللي فالمراجل بعيداشبور
ونبدا الردود بمرحبا والصدور رحاب=بشبل(ن) على درب العلا بيرقه منشور
تراحيبٍ من الود والقدر الك تنساب=ويعبق بها اريج المحبه شذا وعطور
تخصك يارمز الجود من قلب من شعور=تراحيبا" تخصك ولا لك بها طلاب
واثني واقول الله يبارك لكم يا احباب=بشهر" لباغ الخير يفتح طرق وجسور
وابخبرك عن حالي بخير"على ماطاب=بفضل الولي الوضع ياصاحبي مستور
وابختم كلامي جعل لك فالجنان حساب=وتشرب من الكوثر وتنكح بنات الحور

وسلامتكم