يــاراكــب اللـــي يشـــوق العـــين مطـــراشــــه

[طلال ناشي]

بعد التحية

رسالةٌ أرسلتها لي عضو منتدى الجميع ( الهيلا )

الشاعر / شامان الروقي

تحمل في طياتها كل التقدير والإحترام , عسى أن تنال استحسانكم واعجابكم

يا راكب اللي يشوق العين مطراشه = أليا غبش من ورى يبرين طراشي
عليه قرمٍ يحوفه حوف هواشه = وان هاش كنه مهاش الذيب لا هاشي
قرمٍ عصب غترته وأنوى بمغباشه = ناشٍ شبابه على مسرى ومغباشي
ما غطه النوم لين الظهر بفراشه = وان قام صوت يا يمه شيلي أفراشي
ولا راح للسوق يشري منه دشداشه = إن راح للسوق راح لسوق الأدباشي
من عزوةٍ روسهم للطيب شواشه = رجالهم لا دعي للطيبه شاشي
مريةٍ طيبهم يبقى فمن عاشه = يوم الردي فيه فعل الطيب ما عاشي
بيت الكرم زيَنوا مبناه وفراشه = ألهم مع أهل المكارم بيت وفراشي
مع مرحبا عد برق المزن ورشاشه = وعداد ما سال سيل ورشرش ارشاشي
وقدورهم مع قدوم الضيف غواشه = وأم الفناجيل ما في بطنها غاشي
الشعر لو قيل فيهم ما برد جاشه = وأنا لو أقول فيهم ما برد جاشي
يوم المخاليق للأدباش حواشه = أردى عطاهم لك الله ناقه وحاشي
شروى علي يوم طرفلي من أدباشه = هديةٍ ماهداها راع الأدباشي
خلفـاً تحتها قعودٍ كنه الباشه = حاشٍ ليا شيف زينه حير الماشي
يا جعل يفداه راع الشح وقراشه = يفـدَ علي ما يحوش الخبش واللاشي
ويا جعل من عقبه للخلد معراشه = يلقى بجنة ولي العرش معراشي
المدح يزهاه والقيفان جواشه = على النقا ماعطا مرشي ولا راشي
تنشرله البيض من يبرين وعشاشه = على الشواهيق تنشر له للعشاشي
الطيب ما كل من يشقى معه حاشه = نوبٍ يكود الرجال ونوب ينحاشي
شاصٍ يشيب دقن شامان ما ناشه = عقب أنَـكب مصنعه ما عاد يناشي
يا راكبه لا فهقت الخرج ودشاشه = واضحيت مع هيت بين أطعوس ودشاشي
سلم وقل للمطوع يغضي أرماشه = ما ودنا بالذَرور وكحل الأرماشي
الشعر ماهوب على قصده ولا كاشه = حتى يسولف نوار بقصدي و كاشي
إن كان خالي يغن الشعر ببلاشه = أنا لاغنيت ماغنيت ببلاشي
وإن كان خالي يبا يبلشني إبلاشه = ما هوب أنا اللي تبا تبلشه الأبلاشي
وإن كان جات العلوم بخاش خرباشه = خالي يعرفني لا جات بخاش خرباشي
أنقش بحيد الصفا والناس نقاشه = كم شاعرٍ في صفاة الشعر نقاشي
يا اللي تتابع مسلسل خاله قماشه = طاقة هل الشام ما هيب طاقة قماشي
لا يأخذك راعي البث و توشواشه = اللي ليا بث بثه له توشواشي
ولا تشتقي معه في جرحه وفي شاشه = تراك ما أنت بوديع الجرح والشاشي
ما شب رجلٍ يشب النار بقشاشه = أخذ النصيحة معك مني على الماشي
وأفطن لعمرك قبل نظهرك في الشاشه = منته بمقفي بها وأنا ولد ناشي

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

[محمد الذيابـــي]

ابداع غير مستغرب من شاعر مثل طلال ناشي



لاهنت يالغالي

التوقيع

التوقيع محمد الذيابـــي

[فهد رشيد الزلامي]

صـــح لــســانك يابو ناشي لين ترضى

وأنت تستاهل العلم الغانم ولا هان رفيقك.

[علي الدعجاني]

صح لسانك

وال مره كفو ويستاهلون المدح

[سيف نت]

صح لساااااااااااااااااانه

[عبدالرحمن الـعتيبي]

صح لسااااااااااااااااااانك ياطلال
قصيدة جزلة من شاعر جزل
بالتوفيق

[شامان الروقي]

صح لسانك واعتلى شانك

[القلاع]

أبك أبك هذي والله المدوية

يادافع البلا

لاهنت يا طلال وانت شاعر وخالك شاعر ؟؟

[طلال ناشي]

المشاركة الأصلية كتبت بواسطة محمد الذيابي

ابداع غير مستغرب من شاعر مثل طلال ناشي



لاهنت يالغالي

يامرحبأ يامحمد

شكراً على مروركـ الكريم

شرفتني

مودتي

[فهد العازمي العتيبي]

..


صح لسانك شاعرنا طلال بن ناشي

ولاهنت ...

التوقيع

للتواصل على تويتر https://twitter.com/falotaibi5115 ،،