مسلسل للخطايا ثمن

[محمد الذيابـــي]

قالو أتّابع مسلسل للخطايا ثمن=قلت ايه لكن خطايه من يبا يدفعه
لن جيت ابادفع ثمن ذنبي عيوني بكن=ماهو بكيفي لكن الدمع كيف امنعه
وان جيت اباصبر لقيت الصبر زاد الوهن=وزادت هجوسي وحزن الليل كيف اردعه
ضاقت بي الارض ذرعا مير اباعلن علن=وابارفع الصوت لين ان العرب تسمعه
يابنت انا لو اجيك بورد والا كفن=واقول يابنت لدغات الزمن موجعه
اختاري الراي الامثل في صويب الحزن=شاعر خيالي وعاشق مير محدٍ معه
شاعر خيالي عروقه بالغرام ارتون=لكن ماظنتي شعره يبا ينفعه
مير ان قسيتي ورحتي والشريك الزمن=ماهي غريبه وحكم الظلم يامسرعه
وان كان جيتي غلا مالي ومال الثمن=اعيش باقي حياتي عيشة ممتعه

التوقيع

التوقيع محمد الذيابـــي