دام يوسف واصل المشوار ابركوا للحمل وهو حمل خفيف انشالله

[شيب الذيابه]

السلام عليكم ورحمة الله وبركاته

في البدايه اقول للاخ يوسف تلقى خير وموفق ودامك واصلت ابشر بعزك نبي نسوي اللي علانا والباقي على الله سبحانه
مير انا باطلبك في حاجه انت تحديت اللجنه في الاوله وماانثنيت الهم ومقدي وهذا دليل على عزتك وكرامتك من غير قصور في اخوانك الشعار الاخرين وانت تعرف مسبقا انهم سوف يردون عليك بهذا الاسلوب المشين فارجوا ان وفقك الله وتاهلت ان تواصل على دربك وعلى نهجك وان قالوا لك غزل قل ماعرفه وماعندي الا فخر وحماسه وعطهم الميسم الحامي وخلك والم لهم لايلقون في قصيدتك درب قفل الدروب كلها وان تنسى موضوع الحلقه وماصار فيها لانك واصلت وقبلت نسبتهم .
مانبي من اللجنه الا ثلث مايعطون المتسابقين الاخرين وحنا نعدله بالتصويت اللي رواتب الشهرين الجايه بشروا الاتصالات بها معندنا الا هي ولا يجي بوم الثلاثاء الجاي الا واصابعكم مورمه ولاهيب كثيرة على القبيله الي تمثلونها على ان القبيله اكبر من البرامج هذي مير هذا غبن واضح والله يكتب اللي فيه الخيره وارق سنود دام عزوتك روق وبرقا .

واخيرا ياربعي ان فاز يوسف يستاهل وان فاز غيره يستاهل الدعوه مسابقه لافيها ضرب سيوف ولارمي بنادق واما الطالح من اللجنه نبى ندقمه لين يعرف يقيم (الحر النداوي ) مانبيهم يجاملونه نبيهم الدرجات اللي يستحقها ياخذها ولكم جزيل الشكر .


التوقيع الحبر خلص جايب بقيمته بطاقة شحن

(يالا جواد لحد يجيب اسم احد من اللجنه او الشعار او القبايل بسب والا ذكر سيء كل معروف طيبه من رداه السب مهوب سيمة الاجواد)