قصيدة لشاعر

[صقر المحاني]

ياكامل الاوصاف صليت بي شـرق
وعبدتني ياناعس الطـرف الاصنـام

عليك اجاوب نايح الـورق بالطـرق
وياما علي فرقاك نكسـت الاعـلام

سرقت حالي يالطيف الحشـا سـرق
واليوم حالي عانهـا جلـد وعضـام

الحال بعدك كـل يـوم بهـا فـرق
ماهيب مثل العام واللـي ورا العـام

يازين دمي من بعدك احترق حـرق
واخشي تصير نهايتي مثـل صـدام

غلاك في دمي من القلـب للعـرق
وصروح قدرك فاقت صروح الاهرام

وانا على وظح النقا ماعرف الـدرق
ماخون لو يحكـم عليـه بالأعـدام

وانته تسمع في هل الكذب والقـرق
اهل الحسد تحلـم بتحقيـق الاحـلام

ناسـن نباهـا زيـن وقلوبهـا زرق
ولابـد تكشفهـا مقابـيـل الايــام

خلك على ماكنت فوق ارق فوق ارق
واصل معـي يازيـن قـدام قـدام

يامحلا خـدن تقـول ان بـه بـرق
وياما حـلا عينـن تسلهـم تسلهـام

رماحها تزرق بها اهل الهـوى زرق
من صابته لو حـاول يقـوم ماقـام

وردفن منه ثوبه لقام انطرق طـرق
نابي ليامنـه وقـف يطـرق الخـام

والخاتمه يازين صليت بـي شـرق
مثـل الاسـد بشـار بلـش بخـدام