(...المساكين...)

[صقر الزراريق]

(...المساكين...)

الله يرحم ذيك الأيام ياحسين
يوم أن بعض الناس يبكون فيناء
يبكون فالأيام مرهـ وسبعين
والـوقت مـا يـجـبـر عزاهم عـليناء
ماهو عزاء فالموت مير المساكين
يبكون من فرقاء ولأهي بديناء
يا ما نصحناهم على العسر والين
يبقون للخلان حصنً حصيناء
من بعدهم ياحسين شف وينهم وين
من بعد ماراحو وكل(ن) يبناء
راحت حياتي بين دمعً وهمين
وأشيل مالأ يحتمل كل ميناء
وأردد الأبيات بيتن وبيتين
عشان أنسي خاطري والحنيناء
لهم حنين داخل القلب والحين
قلبي تفطر من دموع الضنيناء
والشوق في صدري مثور براكين
الله وأكـبـر صـوتـهـا والونيناء
لو شفتها يا حسين ترم الملايين
وأنــا عــلـيـهـا قلبي الله يعيناء
أفز من نومي وأدور البساتين
أدور المجمول في كل حيناء
أضحك معك يا حسين والوقت بي شين
وأنــا صويب الحب والجرح شيناء
أصعب فراق الحب بين الخليلين
فرقا حبيب(ن) يبتعد مــأيـجـيناء
أون من قلب(ن) همومه دواوين
بــشــكـيــه لله سـيـد الـعارفيناء
يالله ياللي من ترجاك به دين
تــغـفـر لـزلاتـه وتــقـضيه ديناء
عبدك ترجاء وأنت سيد السلأطين
أغــفــر لـزلاته وأخـذ باليديناء
عبدك يذوق المر والناس هجعين
وأنـتـه تـرى حـالـه وجعلك تعيناء


الشاعر : مطلق الزراقي