قصيدة للشيخ عبدالمحسن بن غازي التوم رحمه الله

[ابو سعد الدلبحي]

قصيدة للأمير عبدالمحسن بن غازي بن سهل التوم " رحمه الله " قالها في سفره إلى لندن للعلاج في يوم السبت الموافق 12 رجب 1400 هــ

بسم الإله الواحد الفرد الصمد = ارفع يداي بخلوتي وأدعيه
أدعيه بأسماه العظام وقدرته = ما خاب عبدن في الدجا يدعيه
أرجيه يشفيني ويحفظ غربتي = ما عاد ابي لندن ولا طاريه
هذا اسبوع ما سمعت المذن = ولا شفت لو مسجد يصلى فيه
هذي بلادن كلها ملعونه = يكود ذكر الله ومواليه
يا عزتي للي سكنها مسلم = الفرض عند عياله يصليه
ما قط يسمع للصلاة منادي = ولا قال صلوا نايبن يوحيه
وإن كان صالح فدوبه نفسه = أما حصله واحداً يوذيه
وأخشى عليه من الجليس الماكر = على العاهره والخنى يرميه
يقول نمشي نشوف العالم = واللي يسوي الناس بنسويه
يالله تعصمني وتحفظ ديني = يا خالقن عبده يا واليه
وتردنا لبلاد عشنا فيها = على شرفنا وديننا نحميه
وليا وصلناها نشوف عيالنا = وراع الرجاء يستر مع راجيه
نشوف جارن حافظين حقوقه = ورفيقنا الي ون زعل نرضيه
وليا زعل نرضيه لو أنه مخطي = وإن باعنا عند الزعل نشريه
وقبيلة تفخر ليا شفناها = عتيبه اللى مجدها تبنيه
قبيلتن لو جيت أعد أفعولها = أمجادها الاقلام ما تحصيه
يا سعد والله حظ منهم ربعه = ليجا نهار ابليس ومناديه
ليجا نهارن راكضن شيطانه = هم أول البيرق وهم تاليه
ليا من شيخ القوم قال عتيبه = والتم جمعه ثم حدى حاديه
في راي أخو نورة ملكنا خالد = برواحنا عند اللقاء نفديه
واخوانه اللى فلزوم عياله = خدام حدر أمره ولا تعصيه
الله يجمع شملهم بالطاعه = وتنفيذ حكم الشرع في مخطيه
ويحمي بهم شعبن وفين معهم = وهمه حريصين لما يرضيه
ومني صلاة الله مع تسليمه = على النبي ما حل به طاريه

المصدر : سلسلة من آدابنا الشعبية في الجزيرة العربية ، الجزء السابع ، ألفه منديل بن محمد الفهيد

[فهد العازمي العتيبي]

الله يرحمه الامير عبدالمحسن التوم

ويسكنه فسيح جناته

شاعر وامير من مشاهير عتيبه

لاهنت يا ابوسعد

التوقيع

للتواصل على تويتر https://twitter.com/falotaibi5115 ،،

[ابو نايف الحافي]

رحم الله شيخنا الكبير :عبدالمحسن التوم وقصيدة جزله من رجال جزل


لاهنت يالدلبحي

[ابو سعد الدلبحي]

الله يعطيكم العافية على المرور

[النجم الثاقب]

الشيخ عبدالمحسن التوم رحمه الله رحمه واسعه واسكنه فسيح جناته
نار علي علم في حياته وبعد مماته
وابنه الشيخ غازي والله ومليون نعم والله يعينه
ياحظ من لاعرف منهو ولا شيف ....... ان طاب يحمد وان تردي بكيفه
ولااااااااااااااااااهنت يالدلبحي علي هذه الرائعه للشيخ عبدالمحسن رحمه الله

[عبدالله غازي المغيري]

يعطيك العافيه يالغالي

[ضيف على عتيبة]

الله يرحم الشيخ \عبد المحسن التوم ويسكنه الفردوس الاعلى



يالله تعصمني وتحفـظ دينـي يـا خالقـن عبـده يـا واليـه

وتردنـا لبـلاد عشنـا فيهـا على شرفنـا وديننـا نحميـه


هذي الرجال اللي تحفظ دينها وعاداتها .


الله يرحمه ويرحم اموات المسلمين .



لاهنت اخوي على النقل