مشاركتي في حفل الشاب حاتم منصور العضياني

[زياد المزرمي]

سلام ياللي قدركم ماله حدود = في وصفه المنطوق ماهو بقادر
اهدي سلامي كل حاضر وموجود = من صادق المكنون واحساس شاعر
طيبك يابن منصور ورّدني عدود = وامضيت يومي بين وارد وصادر
قامت بيوت الشعر تنقاد لي قود = قود البيارق في يدين العساكر
ماكنها الا معسكرات بها جنود = من فوق بر و جو ولا بواخر
من شان نصرة شعبٍ اعزل ومضهود = يقتاد جيش العز للعز كادر
هذا وجودي لا طرا طاري الزود = صغت البيوت المفرده بالنوادر
احمي بيوت القاف من كل منقود = حتى بيوته في بعضهن تفاخر
اليا رقى يشمخ كما الضلع وسنود = وليا حدر سيلٍ من الضلع حادر
كله لجل كسابة الطيب والجود = كسابة الامداح ماضي وحاضر
يومنّها شلفا وشعله وبارود = وابليس بين الناس بالشر هادر
من عزوةٍ حرابها راح مفقود = عتيبه الهيلا لاجت بالمفاخر
اشهد شهادة حق والحق مشهود = مايجحده بين البشر كود غادر
تلقى الوفا من بينهم حبل ممدود = والكل منهم بالجزيله يبادر
وتلقى الدلال الصفر والهيل والعود = قبل الشحم والشاي لضيف خادر
سلمٍ لهم متوارثينه من جدود = ولا ينحصد مزروع من غير باذر
وانا بنيت البيت غايه ومقصود = من شان اعبّر ماحوته الخواطر
هذا وانا مِن من لهم فعل ماكود = اهل الفعول مطير حمر النواظر

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[محمد الحميدي]

صح لسانك
أبدعت
أبدعت وكفو بمـطـيــر حــمــر الـنـواظــر

تقبل مروري لاهنت

التوقيع

[مرزوق حمدان العتيبي]

مـن عـزوةٍ حرابهـا راح مفقـود
عتيبـه الهيـلا لاجـت بالمفـاخـر
اشهد شهادة حق والحـق مشهـود
مايجحده بيـن البشـر كـود غـادر
تلقى الوفا من بينهـم حبـل ممـدود
والكـل منهـم بالجزيـلـه يـبـادر


..
ماعليك زود يازياد ..

...

هذا وانا مِن من لهـم فعـل ماكـود
اهل الفعول مطيـر حمـر النواظـر


ونعم بحمران النواظر

لاهنت وصح لسانك

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نايف مستور الظويفري]

صح لسانك يازياد الشطيطي مليووون وبيض الله وجهك على هاذي الجزاله اللغير مستغربه منك

والنعم في قبيلة عتيبه والنعم في جميع القبائل

لاهنت يالقرم