الوجه الشحوب

[محمد المرشدي]

لسلام عليكم ورحمة الله وبركاته


كل عام وانتم بخير بعد الزحمه

و اقدم بين يديكم نص للتواصل عسى ان يحوز على اعجابكم

ابتسم في عتمة الليل يالوجه الشحوب=من يضوي عتمته غير وجهك لـ/ابتسم
اترك الهم وهله وافتح لدربك دروب=لين تفهق راحلة عمرك ديار الوهم
من تنوخ راحلة عمره بدار الكروب=والله ليبطي مكانه ولا شاف الوسم
ليلك المظلم طويل ابتدى وقت الغروب=حاول تجاهده حتى بنورك ينهزم
ولـ/اشرقت شمس الحياه ادمح لشخصك ذنوب=لين تنهض همتك من غياهيب الالم
همتك جناح وليا نهض جوك رحوب=تفتح بوجهك مزاليج لابواب النعم
وذكر ربك يغسل الحزن وبليا نضوب=ماحزن من يارد الجم ويذوق الطعم
ولا من اصتكت عليك المشاكل والنشوب=اغتنم فالثلث الاقصى رضى رب الحرم
اطرق ابوابه برفع الكفوف اللي تنوب=عن خفوق ن منكسر جاء وكاسيه الندم
يعطي الله من عطاه العباد اللي تتوب=ويحرم الله كل من كابر بعبد الصنم
اغتنم صحتك قبل الهرم يغزى الجنوب=وقبل ماتطوى الصحايف ويرتاح القلم
ولا تغرك دنيتك مظهر الدنيا كذوب=كم تدوس اقدامها من تعليه القمم
لــ/سعيت لها تقفي وتنسيك الوجوب=ولــ/تركت السعي بالصد جت لك من عدم
والنهايه لا صحى القلب من بين القلوب=لاتشيل الهم في باقي اعضاء الجسم