مساجلة بيني وبين الشاعر غريب الدلبحي

[المستشارالاول]

السلام عليكم ورحمة الله وبركاته
ارسل لي الشاعر غريب بن ناصر الدلبحي هذه القصيدة
يقول :

الا ياراكب اللي كن زوله داخل الصالات =
على الفكسار الابيض يا محيسن كامل الميزات=
تنصبه الرفيق اللي يبين بحزة الشدات=
تنص سعود ابن خالي صميدع كاسب الطولات=
لك عادات في شعرك يابن خالي ولي عادات=
لك ماقف يابن خالي ليا راحت علوم وجات =
أنا بنشدك عن رجلن هروجه دايمن بسكات=
ليا منه ملا بطنه يجوع البطن في لحظات =
لفاك اللغز يابن الخال في موجز من الابيات=

غريب بن ناصر الدلبحي
وسلامتكم

ورديت عليه أقول:

الا يا راكب اللي نادرن وصفه من الرنجات =
مثل لون البحر لونه وله فالمرتبه شاشات=
يسر دريوله مشيه ولا بيدته السفرات =
يسوقه من بني عمي وليده يدرك الصعبات=
نصابه شاعرن ما تلحقه فالرفقه الشكات =
كريمن فاتحن بابه لطلقين اللحا فجات=
ولد ناصر غريب مكرم العاني وله وقفات=
نظم هاك البيوت اللي جزالن مابها خلات =
نشد عن لغزن وكثرة على حلاله الوجهات=
وأنا أقول أنه (المنفاخ ) حل المبهمه بالذات=
وفي ختام القصيده عد ما ينشر من النشرات=

سعود بن حادي الدلبحي