أثرك من العام وأنت تحدحد سنونك

[سعود طالع الشيباني]

سلام يالوافي المجمول يالغالي=ياصاحبٍ حالت الاقدار من دونك
منوّل أصارحك وأشكيلك الحالي=واليوم صعبٍ علي أقول وشلونك
اللي كتب بعدنا هو ربنا الوالي =وأسبابه اللي على العوجا يحدونك
وشلون طاوعتبي شامت وعذالي=وشلون قاموا هل الحيله يديرونك
بكره تبين البواين يابعد حالي=وتشوف الاوضاع يوم اتشين بعيونك
ناسٍ لها تسعه وتسعين مدخالي=ولاهمهم غير فالحفره يحطونك
المر مدسوس وترغّبك فالحالي=واليا انتهت فترة الخطه يبيعونك
أنا أحسبك ماتصف بصف الانذالي=وأثرك من العام وأنت تحدحد سنونك
اللي سمعته هو اللي كان في بالي= واللي بقى كلمةٍ قدام يلهونك
في هاتفك لاتخزّن رقم جوالي=أقولها وأنت قلها لجل يوحونك
خل المفرّق يغني يالاله لالي= وخلك تذكر كلام اللي يعزونك

آخر تعديل سعود طالع الشيباني يوم 03-Apr-2012 في 10:58 PM.