غــيـــاب الــشـــمـــس - الهيـــــــــــــلا *** منتدى قبيلة عتيبة

قاطع طريق · 18-Sep-2005, 07:25 PM


	غــيـــاب الــشـــمـــس ألا يا شمس اجيبيني = ولا تنوين هجراني وعنّي لا تغيبيني = ترى ليلي تبلاّني غياب الشمس يشقيني = ليا غابت مسيّاني واصير من المجانيني = و افيق احيان واحياني ترى شمس المحبّيني = لها مبدأ وعنواني تغيب مع المغيبيني = وتطلع يومها الثاني و لي خلٍّ معاديني = ليا مرّ ايتعداني ولو انه مصافيني = على وضح النقا جاني ولكنّه مجافيني = مجافى المبعد الفاني وهو وينه وانا ويني = وانا ويني وهو واني يضيعنّ البراهيني = ليا شفته بالاعياني حسينٍ كامل الزيني = ضريف الطول فتاني كما ورد البساتيني = تفتّح بين الاغصاني يا ليت انه يراعيني = و اراعي له ويرعاني وعقب البعد يدنيني = وننسى كل ما كاني عليه الله مشقّيني = مشقّيني وعنّاني صبرت سنين وسنيني = على رجواه شفقاني وهو ما لدّ بالعيني = نسى مدري تناساني ذنوبه بالملاييني = شمع في قلبه الراني هنيّ اللي مقفّيني = ولا شقيوا بالاخداني من الحب امتعافيني = ولا له عندهم شاني و انا حبّي معنّيني = وقلبي منه مرضاني أخاف الحب يفنيني = مثل ما افنى العضياني سهوم الحب ترميني = واصابنّي بشرياني مصوّب فـ الشراييني = بسهم القاتل الجاني ولا به من يداويني = يا كود انْ الله انْجاني ألا يا شمس اجيبيني = ولا تنوين هجراني وعنّي لا تغيبيني = ترى ليلي تبلاّني المنتقم العتيبي

مرزوق حمدان العتيبي · 18-Sep-2005, 08:33 PM

....
..
لبا والله قلبك يالمنتقم...
اخاف الحب يفنيني**** مثل ما افنى العضياني
الله عليك مبهر كالعاده..
صح بوحك ودام تميّزك ...

التوقيع

@Marzouq_MHD

البرهان · 18-Sep-2005, 09:00 PM

صح لسانك يالمنتقم ... قصيده رائعه .. نتمنى أن تتحفنا بالمزيد

المسرّي · 18-Sep-2005, 09:56 PM

اقوووووووول صح الله ذا اللسان

يعلم الله انه غريبه عجيبه ما مثلها

تستاهل التقدير والاعجاااااااااااب

فيصل المسعودي · 18-Sep-2005, 11:50 PM

ألا يـا شمـس اجيبينـي
ولا تنـويـن هـجـرانـي
وعــنّــي لا تغيـبـيـنـي
تــرى لـيـلـي تـبـلاّنـي

والله رااااائعه يالمنتقم رائعه

صح لسااااانك يالغااااالي

تحياتي