فزعتـــــن تاصـــــــــل على صــــــــــف الســــــــــريه

[أبو نجر النفيعي]

يابنات الفكر دقن لي تحيه=وألعبي على طواريق النشاما
ياسلام الله على راع المطيه=من هجوس(ن)ماتروّح شرق شاما
ابدع القيفان مع صفات نيه=نيتي زانه ماهي هرج وكلاما
اسرد الابيات له صبح وعشيه=ثم ياما يارفيق الخير ياما
غاب عن عيني وانا عيني شقيه=من رياجيل(ن)على اشداد وسناما
والله انه ما لفاني رجل زيه=دربه ايمن ياعرب ماهو حراما
في ضميري ياعرب له قابليه=عرفته مكسب او تركته نداما
لاحصل منه على قولي خطيه=كلمت الرجال به ماهي عداما
وان حصله يا عرب شيّّن وشيه=يبشر ابفزعه على ظل السلاما
فزعتن تاصل على صف السريه=تقضي الحاجه كما فعل القداما
والله انه ما لقينا رجل زيه=دربه ايمن ياعرب ماهو حراما
والنهايه ياعرب مني تحيه=فوق رجال(ن)على قول النشاما

تحياتي
^
^
^
^
^
^
^
ابونجر النفيعي

التوقيع

.....