أبيات في الحكمة

[ابن مشيب]

بسم الله الرحمن الرحيم


السلام عليكم ورحمة الله وبركاته


حبيب العازمي

يجذب الشعر الناس وخصوصاً الذي يحتوي على الحكمة ويشد أفكار وعقول الناس له وإلى الاستماع له وحفظه ونجد أن الناس يمثلون به في الأحداث التي تحصل لهم في الحياة ليستفيدوا منه ومن هذا الكثير سواء قديم الشعر أو حديثه ومن هذه القصائد التي اخذت طابع الحكمة.

الشاعر/ حبيب العازمي:

لولا الخطأ محدن عرف قيمة الصح=ولولا الصحيح يصح جات الفضايح
شيء طبيعي يوم تنصح وتنصح=الناس كانوا يشترون النصايح
يا جاهل فالوقت تسرح وتمرح=ترى الحياة الها نظام ولوايح

وقول الشاعر/ بديوي الوقداني

لا تشتغل بالمال ترى المال ممحوق=ما مالك إلا ما تعده اياديك
ان كان مالك يا فتى ضيق السوق=تراه عند الموت ماهوب بمنجيك
ان كان تبغى تاخذ المدح مطبوق=خلك مشمر دون ضيفك وعانيك

ويقول الشاعر رشيد الزلامي:

ترى حياة الفتى مهما قوى باسه=محفوفة بالخطر والموت تابعها
من مبتدى العمر لا ما يلفظ أنفاسه=يمر في مرحلة تكثر زوابعها
أول حياة الفتى تدريب ودراسة=تكثر ظروف الحياة وينشغل معها
وثاني حياة الفتى مشوار وعساسه=مسيرة في عجاج الوقت يقطعها
وآخر حياة الفتى يرجع على ساسه=النقطة اللي بدل منها يراجعها
يرجع لسن الهرم ويضيع الطاسه=ويمشي مع الأرض ويخطط شوارعها
وإلا تلاقت متونه وارتخى راسه=ضاعت جميع العلوم اللي مجمعها

هذه النماذج الشعرية يخضع بعضها إلى تجربة الشاعر للحياة والبعض استفاد من تجارب غيره وهناك في موروثنا الشعبي من الشعر ما يحتوي ويتضمن مثل هذه الأبيات التي تروق إلى مسامعنا والتي هي بمثابة الحكمة.

_____________________________

منقول نصاً من جريدة الرياض , للكاتب طلال المسيمير , لشعراء غير مستغرب منهم هذه الحكم العظيمة

تحياتي