يابنت والله ماورا حبكي فود......!!!

[خالد العصيمي]

السلام عليكم ورحمة الله وبركاته



إليكم القصيده

هات القلم والصبر لو طال محدود = مالي على بعض المواقيف طاقه
اسمع واشوف ابروق فصدر ورعود = بسباب قلبن فالضلوع احتراقه
بكتب من الاحزان ماكان موجود = واثري فبحرن غبته في زراقه
ابحر مع الاحزان واعود محدود = اخاف اضيع ولا نحصل نطاقه
اما يهل الدمع واجروحي اتزود = ولا نعاف من القصيد وطراقه
واقلبي الي كن ابه يرتع الدود = واجرحي الي صافي الدم راقه
من سبت الي خلت القلب بارود = شبت فتيله واعلنت في فراقه
يابنت والله ماورا حبكي فود = روحي بدون امجاملات ولباقه
يابنت والله طحت في كل منقود = وانا مع النوماس عز وعلاقه
يابنت واثر الحب للعمر مجرود = وانا الذي كنت احسبنه ذواقه
والبارحه سهران والعالم ارقود = اصك طاقه حزن وافك طاقه
يامن بذل بذلن على غير مردود = يامن وقف ليله على عضم ساقه
يامن همومه خلته كنه العود = يامن على دنياه عسرن وفاقه
يامن دموعه كل ماهبت النود = تنزل على خده ويسمع نشاقه
حملك على ضهرك عسى دربك اسنود = وانته وهمك من عزيز الرفاقه
حبن على درب الخطا نقص منقود = خذها بدون امجاملات ولباقه

وسلامتكم

خالد العصيمي

[أبو نجر النفيعي]

.

..

الله الله الله يا خالد

صح السانك واعتلا شانك..

قصيده رائعه جداً وجزله من راس جزل..

والله يعينك ههههه

..

تقبل احرامي وتقديري..

وننتظر جديدك


..
.

التوقيع

.....

[ذياب]

,

,,

,,,

صح السانك ياخالد

قصيده جزلة من جزل

أخوكـــــــ

,,

,

التوقيع

ربعي عتيبه نـور مشكـاة بسـراج=صبح(ن) ينور في دجى نجد مبلوج نسل نقـي مافيـه مولـود خـداج=لا عودت بعض العرب هتم ولحـوج وإن عودت بعض العرب خلف حجاج=يرجع نسبنا لعرق ماهوب ممـزوج الاد روق معدلـة كــل منـعـاج=للي من أنواع القشر راسه طعـوج وبرقا سنـام البيـت للعـز معـراج=مركابهم وقت الوغا كـل مسـروج m10-m10@hotmail.com

[نواف العصيمي]

وعليكم السلام ورحمه الله وبركاته

صح لسانك يابن عاصم .. وجزل


ولك التقدير والإحترام

التوقيع

[فيصل المسعودي]

حبن على درب الخطا نقـص منقـود
خذهـا بـدون امجامـلات ولبـاقـه


عزالله صدقت وابدعت


صح لسانك ياغالي


تحياتي وتقديري

[بادي الرجم]

صح لسانك يبن عاصم

قصيده جزله من شاعر جزل

ولاتكفينا منك

[خالد العصيمي]

صح بدنك يابونجر


والله يحييك ولله يعين



تحيااااااااتي

[خالد العصيمي]

صح بدنك ياذياب



ولاهنت والله على المرور الذي اعتبره وسام على صدري

[خالد العصيمي]

صح بدنك بانواف العصيمي

وبيض الله وجهك على المرور




تحياااااااااااتي

[خالد العصيمي]

صح بدنك يا فيصل


ولا هنت على المروور


مودتي