راعي البنـــز السمــاوي

[عـايض النفيـعي]

أخــواني الأعزاء 00

يمكنــّي مقل بعض الشيء في مشـاركـاتي لكـن تـأكدوا أنكـم في القلب والله العـالم


هذه قصيده غزليـه أتمنــى أن تحــوز على رضـاكم 00

راعي البنز السمـاوي لي ترى عندك ذهيبه = مرتبتـك البيج علـّمها .. ويـاسوّاقهـا
لا يجي فالحـال شك ولا يجـي فالحـال ريبـه = شوف عينـك حـاجة المستـور مع بوّاقها
كـل عـود ٍ لا يغرّك مقعد ٍ راسـه زبيبـه = يابسـه .. واللا أخضر شرهتك خضر أوراقهـا
أحتمى فكـر ٍ صميدع مـايدانـي في صحيبـه = المزون المدلهمـّه فوق طرّ ارواقهــا
لا أستهـل وقـام يمطر ضاع حزمـه في شعيبه = مـايشرّه في مزون ٍ مـافصل برّاقهـا
قـام يندبني شمـاله مع جنـوبه مع مغيبه = كزّني قال الوصيـّه لين حدّ اشراقهـا
سرّها قم سرّها مسرى الجفول امن النجيبـه = من يمن حدب الضلوع لشـامها وعراقهـا
حدّها الضلع القصير وفوق من دون التريبه = له صنـاديق الضمـاير كلّها بـ أشنـاقها
يحتطب من يابس اضلوع ٍ محـاديب ٍ حطيبه = ياخذ امن الكبد شفـّه فدوته معلاقهـا
جـادل ٍ من نظرة أعيونه تيقنـت الغليبه = رح أودّه مع صلاة الصبـح عند نيـاقها
لا منحني من مصـاغيره ولا أسـّاني حليبه = عرّض اجنـوبي ميـاسيم ٍ نجـاح أحراقها
ياوجـودي وجد عود ٍ فالزمن يافري جيبـه = وجد أبن عدوان في وضحى ضحيّ افراقهـا
يوم عود الحي ذرّه يصبحـونه من رويبه = مـاخذ ٍ له طول حلقه من جديد افواقهـا
مـاتسرّه فزعـة العـاني ومدّات القريبه = الدهـر ضوّى عليه النايبه واستـاقها
يوم شفت اصنـاعة ألمـان ٍ توصّـوا في صليبه = حابكينه للضعوف مورد ٍ لـ أرهـاقها
غـاية اللي مـايصر الشهب وفلوسه كتيبه = لو تشب النـأر فيها مـايضر ادقـاقها
صوّر الله وسطهـا مزيون والزين يغديبه = زيّن المرسدس دونـه ياخبل عشـّاقها
جـالس ٍ كنـّه على الأنظـار ياخذ له ضريبه = البنوز الها ضرايب وأوفت استحقـاقها
ياحسين الوصف روحي عوّدت فيها طليبه = عقبك القلب المعنـّى منك أخذها ، ذاقها
من مصيبه في مصيبه وأن تلهـّى في مصيبه = هو متى ان الله يامر في رحيب آفـاقها
ياهل المعروف كلن مايجيه اللا نصيبـه = مـار أنـا شلف المنـايا من نصيب سبـاقها
ميت ٍ مـاني بحي أن كنت حي ٍ بالغصيبه = أذبحوني وأدفنـوني في ذري ّ صفـاقها

[عيضه الثبيتي]

سرّها قم سرّها مسرى الجفول امن النجيبه
من يمن حدب الضلوع لشامهـا وعراقهـا
حدّها الضلع القصير وفوق من دون التريبه
له صناديـق الضمايـر كلّهـا بـأشناقهـا


حجز اول



لله عليك ياعايض


قصيده رائعه من شاعر رائع




سجل إعجابي الشديد




منتظرين جديدك

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[مخلف الهقاوي]

عايض

رااائع راااااائع

سجل اعجابي انا ايضا بالابيات

صح لسااااانك,,لاهنت

[أبو نجر النفيعي]

..

الله الله الله ..
ابداع وقصيده جزله من شاعر جزل ..

..
صح لسانك يا عايض .. ولاهنت ..

وننتظر جديدك ..

.

اخوك..

التوقيع

.....

[راجح النفيعي]

صح لسانك اخوي عايض قصيده جزله وطيبه هاذا الشعر ولا بلاش مو شعار هليومين الي شووهو سمعة الشعر على العموم صح لسانك وما قصرت

[مرزوق حمدان العتيبي]

...
.
صح لسانك ياعايض
.. مبدع بحق ....
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السميــــــري]

..
صح لسانك ياعايض ..
مبــــــــــــــدع ..

..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[عـايض النفيـعي]

المشاركة الأصلية كتبت بواسطة عيضه الثبيتي

سرّها قم سرّها مسرى الجفول امن النجيبه
من يمن حدب الضلوع لشامهـا وعراقهـا
حدّها الضلع القصير وفوق من دون التريبه
له صناديـق الضمايـر كلّهـا بـأشناقهـا


حجز اول



لله عليك ياعايض


قصيده رائعه من شاعر رائع




سجل إعجابي الشديد




منتظرين جديدك

أخوي عيضه


الرائع مرورك ياطويل العمــر

شكرا ً لك على مرورك اللي أعتبره وسـام


دمت بود

[عـايض النفيـعي]

المشاركة الأصلية كتبت بواسطة مخلف الهقاوي

عايض

رااائع راااااائع

سجل اعجابي انا ايضا بالابيات

صح لسااااانك,,لاهنت

أخوي مخلف الهـقاوي


صح بدنك

والله لا يهينك على مرورك


تقديري لك


أخوك

[عـايض النفيـعي]

المشاركة الأصلية كتبت بواسطة أبو نجر النفيعي

..

الله الله الله ..
ابداع وقصيده جزله من شاعر جزل ..

..
صح لسانك يا عايض .. ولاهنت ..

وننتظر جديدك ..

.

اخوك..

أخوي / أبو نجــر


صح بدنك ياطويل العمــر


مرورك هو الجزل

شاكر لك مرورك


أحترامي وتقديري لك

أخــوك