دنيا العنا

[عطيب الظرايب]

بسم الله الرحمن الرحيم
السلام عليكم ورحمة الله وبركاته وبعد
هذه المشاركه اتمنى ان تعجبكم وان تحوز على رضا ذائقتكم الشعريه

دنيا تشابه غيمة الصيف بالعنا
كلن يعاينها وكلن يخيلها
تقبل وعينك ماتفارق بروقها
تنظر معالمها وترعى حصيلها
وتطمعك في رعدها وارتعاشته
وعينك على الوادي ترقب لسيلها
وتقفي ولاحصلت ياكود عجها
أقفت بماطرها وقفا سبيلها
تفرقت يوم الهبايب تلفها
والا على داراً مربع هطيلها
والا سواة الشجرة اللي ظلالها
مامنه فود ولايظلل مقيلها
حتى لون ظلالها طيل يومها
لابد من ساعه تخلي ظليلها
مثل الهنوف المغرمه في محبها
طاريه في العصر وضحاها وليلها
لكن غدرها وقتها ثم تزوجت
خانت وعايدها وخانت خليلها
لوكان مابه يوم تنوي فراقه
هي له عميله مثل ماهو عميلها
لكن جفاها الوقت واخلف هواها
غصبن عليها تقتنع في حليلها
دنياً تشابه طيبها مع رداها
وتشابهت جفواتها مع جميلها
مراً توريك الهنا والسعاده
وتوسدك يدها وتبسط جديلها
ومراً توريك النكد والبلاوي
وتجي تشيل همومها في شليلها
احدً مصافيته واحدً صفالها
واحدً شرب من كاسها سلسبيلها
واحدً تغثرب له عدوده وجمه
وتسقيه كاس المر من فم صميلها
واللي يبي فعلاً سعاده جميله
يحاسب لنفسه ويصبح وكيلها
ويتبع هدا ربه ويتبع رسوله
ويبشر بجناتن فسيحه بديلها