الشعر صار اليوم سعره بلاشي =من بعد ماهو له دروس وتجاريب

[عناد الشيباني]

ياالله يامنشي صدوق الرشاشي
ادخل عليك من الغضب والتعاذيب

والوقت هذا زاد فيه النقاشي
وقت"دخل في وسطه الشك والريب

والشعر صار اليوم سعره بلاشي
من بعد ماهو له دروس اوتجاريب

كلن يغني به مثل طاش طاشي
ويقول انا شاعر وأجيد التراكيب

وهذا ترى بسبابه الرأس شاشي
وخلاني أغني جزيل التراتيب

ياضايع أسمع لاتزيد الهواشي
ياللي تقول أنك جمل فالمكاتيب

ماأنت بجمل لا والله الاأنت حاشي
ولاأنت بكفو لاحسبو للمحاسيب

أنته ترى تشبه لضوء الفلاشي
ابسرعه ينور ثم ابسرعه ايغيب

مايدخل الميدان من به خراشي
الا هل الميقاف وأهل المواجيب

جنب عنه لنك جنوبك هشاشي
جنب عنه خله لكسابة الطيب

منزلك معروف" بوسط العشاشي
ماأنت بكفو ترقا بروس المراقيب

واللي يعكس الدرب مهوب ماشي
لابد ماياقف على دربه الذيب

[مطلق الفليت]

صح السانك ياعناد الشيباني

وعتلا شانك قصيدة جزلة من شاعر جزل

تقبل مروري وحترامي

[ابورازن فالمريخ]

صح لسانــــــــك يالشيباني

[عناد الشيباني]

صح بدنك يامطلق والله ويعلي شانك ومشكور على المرور

[عناد الشيباني]

صح بدنك ياالروقي