عزاللة أني في بعض مدحي أخطيت .... مدحت من لايستحق المديحة

[شبيب شافي الملعبي]

دائما نبحث عن المفردة الشعرية الحكيمة بالشعر الاصيل
وهلـ مفرح الظمني
قامة شعرية لايمكن الاستهانة بها.. مفرح الظمني رحمه الله مدرسة شعرية متكاملة الأطراف.. للقاف سحر عجيب عندما يتغنى به (الظمني) وبهذه الرائعة يبحر بنا(أبو فيصل) في مركب الدنيا ليجني لنا هذه الدرة هي لكم بقيادة(القامة) مفرح الظمني:

حاولت اخفي ضيقة الصدر وأزريت=أعيش مع نفس مهي مستريحه
لاعاب ساس الدار لا تآمن البيت=وياساكنه لا تآمنه من مطيحه
سويت طيب ولا عرف ويش سويت=بين الجحود وبين شين القريحة
وحذفت نفسي حذفه وما تساويت=طيحة غلط ما عقبها صار طيحه
عز الله إني في بعض مدحي أخطيت=مدحت من لا يستحق المديحه
مدحت ناس لا مروه ولا صيت=والمدح في غير النشاما فضيحه
ياليت ما قلت التماثيل ياليت=ما قلت بالمترديه والنطيحه
استغفر الله يالعفوش الكرابيت=مدّاحكم قولوا عسى الله يبيحه
من يمدح المسكين والخبل والهيت=عز الله إنه ضايع في صحيحه
الله ولا شوف العفون المشاميت=غبر الوجيه أهل النفوس القبيحه
ناس تفجر بالوري كالدناميت=وإلا على فعل المكارم شحيحه
والله لأعد الحي منهم كما الميت=وأرمي وراهم كل يوم صفيحه

وتقبلوا تحياتي