حالتن تبكي الموق

[أبو فيصل الدلبحي]

السلام عليكم ورحمة الله وبركاته

اضع بين يديكم هذه الابيات واتمنى انها ترقاء لمستوى اعجابكم

يافيصل اسمع حالتن تبكي الموق=من صاحبن جور الليالي نحابه
اربع عشر عامن ودنياه في عوق=ثم تممت عشرن بعدها تشابه
قضى حياته من عنا الوقت ملحوق=كشر ونابه مثل ناب الذيابه
لاقال هانت عود الطاق مطبوق=لين اكتساء راسه ولون شبابه
يكساه شيبن للنظر صار محقوق=عينن تشوفه يب يجيها رهابه
وجهه من الوعات بايد ومحروق=همن يمسي به وهمن صحابه
يدرج خطاء رجله وبالصدر غالوق=يمشي مع السالين محدن درابه
والياء التفت حظه مع الناس مدقوق=يطمح وحظه عن طموحه سرابه
في عتمتن يغدي بها كل طاروق=من طبها ضيع مجالن مشابه
وان قال ابمشي والسهل صار موثوق=لد النظر وامساء يدور زهابه
ولا وفاه الي غداء فيه مزهوق=بيد الرفيق وبيد بعض القرابه
حطو عليه امن التهم تهمة البوق=ثم اوقدو نار البلا والحرابه
قال احتزم وظهر لهم كل مصدوق=والي سال يلقاء صريح الاجابه
اقدم وهو كله تباشير وشفوق=واقصر يشيُل مع عناه الخيابه
يبغا السعد لاكن مع الناس صلفوق=والحظ قفل باول الدرب بابه
هذه يومك تسال البال مسروق=ماتدري ان البال وقته عثابه

تحياتي / تركي

[عبدالله الجـــذع]

صح لساانك ياتركي

على هذه الشامخه التي باتت
مقرونه باسمك. فلاننتظر منك الا ماهو
جزل ومجمل ,,,,

راقت لي كثيرااا


صح لسانك واعتلى شانك

وبانتظااار جديدك

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[أبو فيصل الدلبحي]

عبدالله الجذع

صح بدنك والشامخ هو حضورك

الف شكر على هذا المرور المثلج للصدر

[نشاط الزلامي]

صح لسانك يالدلبحي على هالقصيده الوافيه

تقبل مروري ووافر احترامي

[أبو فيصل الدلبحي]

نشاط الزلامي

صح بدنك يابعدي والوافي هو حضورك