محاورة في احد المنتديات ابي رايكم فيها وتحليلها

[مشاري الشيباني]

صايل الوايلي


سلام رديةٍ من خاطري تنصا زحول الرجـال
اللي صدوف الليالي لا قضت ما بيَّحت سدَّهـا
الدرب واضح يابن مشيب ولابه شك والا جدال
والضيف كل العلوم الغانمه ، ما قصّر وعدّّهـا



مشاري الشيباني


يامرحبا ياهلا حي الله الشاعر على كل حـال
ترحيبةٍ وافيـه لكـنّ مـد امّ الشحـم مدّهـا
ياصايل الوايلي مال الحمول الا ضهور الجمال
والكلمه اللي بصدرك تستحي من نطقها بدّهـا



صايل الوايلي


ابك البقا يالمرحب مار لا تضرب على كل جال
وام الشحم مطلب الغانم وانا باقول لـك شدَّهـا
يقول انا فارس التغيير حلاَّل الصعاب العضال
يعطي وعوده ولا ندري عن اللي مخفي بردَّها



مشاري الشيباني


يالشاعر اللي مع الشعّار في الميدان جالك مجال
العب وهات العلـوم الطيّبـه ياصايـل وودّهـا
نجمٍ طلع ف... السما يسطع بنوره ياكريم السبال
وانكان حوّل على ذيك الجبال المرسيـة هدّهـا



صايل الوايلي


انا احمد الله مع اهل العرف والطالات وافي خصال
وادوُّر الطيِّبه واتعب على الجـزلات مـا هدَّهـا
لكن ما يِصلِح العطَّار ما افسده الدَّهـر ذا محـال
لا صار بعض العرب نظراتها دايـم علـى قدَّهـا



مشاري الشيباني


واحد وعشرين غصن بشجرةٍ ضـلاّ تحتهـا ظـلال
واليوم ابو فاس ... فاسه ف.. الغصون ولاعنن جدّها
ياصاحبي كان ماعندك لباسٍ صوف يابـن الحـلال
وش حيلتك ف... الشماليّة لآ هبّ البرد مـن قدّهـا



صايل الوايلي


العام ابو فاس فاسه فوق راسه كسَّـروه العيـال
ثم حوَّلت هامته من بيـن كتفينـه علـى خدَّهـا
وان كان هبَّت شمالية ترى ما ادفاك معطف وشال
ما ينفعك غير شب النار والمقلـط علـى حدَّهـا



مشاري الشيباني


العام راحت قِضاها مرتيـن وباقـي ولايـزال
مير انت حاسب ونفسك هدّها لو كان ماودّهـا
ياصاحبي خابرن ربعك بني وايل سوات الجبال
لكنّ بقعا ياصايل تزوي الضلعـان فـي بَدّهـا

[مشاري الشيباني]

المشاهدات 82

ولا فيه ولا رد


اكيد المحاورة ماعجبتكم

والا

[الصاطي,,]

ولله يا شبل انها محاوره عاديه مافيها جديد مررررررره,,


هذه وجهت نظري

[أبو مصلح 511]

محاوره جيده معناها حلو والطاروق حيد






تحياتي

[المرقاااب]

صح الساانهم
ولا هنت على الموضوع