طــــــــــرقــــــــــن حمــــــــــاسي

[عايض الدوسري]

ياعتيبه ودي بطرقن حماسي=طرقتنا جوب له نوح الحمامي
ياهجوسي والعبي من طيب راسي=والخصوم الي تعادي ماتنامي

[سلطان بن دحيم]

يا بن زايد لا تطيح الا متواسي = خل عنك اللفلفه وين السلامي
شد حيلك لا يجي فيك انتكاسي = وحاول انك ما تزل عن النظامي

[عايض الدوسري]

تونابدينا فالفصل الدراسي=اثر ابودحوم يبغا الاحترامي
لاتوصيني وانا مانيب ناسي=بس ليتك تفتهم معنا كلامي

[سلطان بن دحيم]

انت عارف كل طرق(ن) دبلوماسي = بس ليه تسير فالدرب الظلامي
الذهب معروف يا راع النحاسي = لا تحسب انك تثير الاهتمامي

[عايض الدوسري]

الحقيقه موجعه والرد قاسي=لضعيف الي يبي درب السلامي
الجبل مهما حصل ثابت وراسي=مااخبل الي يصدمه والراس دامي

[سلطان بن دحيم]

ياكلون اكبر مطب اهل التكاسي = بس انا عاذرك والله ما تلامي
لا تهوش وتنسحب من قو باسي= تبرد عظامك ولا تبرد عظامي

[عايض الدوسري]

ليت ابوك انعس ولاجاب الماسي=مير انا هونت من شد الحزامي
افتراسك سهل ياصعب افتراسي=انشد اهل العرف ورجال المقامي

[سلطان بن دحيم]

الدعاء لام المظاليل النعاسي = واعرف ان الضرب فالميت حرامي
الذيابه ما تفكر فالبساسي = بس انا بعتقك دامك طحت امامي

[عايض الدوسري]

اخوي سلطان يعطبك العافيه واعتذر لدخول وقت الصلاه

وماقصرت

وفي مقابلات اخرى

[سلطان بن دحيم]

عايض
صح لسانك وتشرفت باللعب معك والمعذره كان حصل قصور