هل نقول ان تركي 2000 سرق فيصل الرياحي؟؟؟

[ابو فايح]

الحقيقه كتبت هذا الموضوع وهو رد على بعض السفهاء وانا اقول السفهاء رغم انهم لايستحقون الرد عليهم ولكن لكي لاياتي احد ويصدقهم فيصبح سفيه مثلهم .

يقول السفهاء ان سلطان الجلاوي يسرق ابيات وموالات تركي 2000 !!!!

ياللعجب من هو تركي رغم احترامي له هل هو شليويح ام مطلق الثبيتي ؟؟؟

يستشهد السفهاء ببعض الموالات والابيات وانا هنا سأقرع الحجه بالحجه واقول وجهة نظري ومن بعدها لكم الراي.

يقول السفهاء ان تركي 2000 في احد موالاته يقول :

أنت ياشاعر العتبان في ورطه

من علومك تبا تشتالك الشرطه

منفرط و أكثر العتبان منفرطه

مانغير هويتنا السعـــــــــــوديه



ويقولون ان الجلاوي سرق هذا الموال وجاء به بهذه الطريقه:

صورتي خلت المطران في ورطه

لين راحت مطير تبلغ الشرطــه

من عتيبه قلــوب مطير منفرطـه

من يدور على 000000000000


هذا ما يقوله السفهاء

وانا اقول لهم
ان فيصل الرياحي الله يرحمه قد قال موال قريب جدا من هذه الموالين امام تركي 2000 في الرياض ايام بدايات تركي2000

يقول الرياحي:
ياتركي الله يخارجكم من الورطه
والسبحه الللي لها عامين منفرطه
لكن لاتغلط علي ارسلك للشرطه
والراس مرفوع والرايات مرفوعه


هذه ما قاله الرياحي ثم اتى تركي 2000 وقال مواله ثم بعدهم اتى الجلاوي.

الزبده
الموال اول من قاله فيصل الرياحي الله يرحمه
ان كانوا يقولون ان في الموضوع سرقه فاول من سرق تركي 2000
وليس هناك عذر لان الموال قيل امام تركي!!!!

اما الجلاوي ربما لم يسمعه من قبل هذا ان سميناها سرقه!!!!


اما انا اقول ان الموضوع كله ليس به سرقه وانما توارد افكار فقط لاغير والامثله كثيره ومن شعراء عمالقه ليسوا بحاجه لااقتباس او سرقه.

[محمد ابن رووق]

يارجال لا تدقق على كلام المتعصبين

انا اشوف ان المحاوره مافيها حقوق حفظ

ابيات دايم تكرر ولحد يقول شي


ابد قص لزق وانت ماشي

حبيب يقول للعيرالله يرحمه (قرود الغابه)

رجع تركي وقالها وانت ماشي


ابيات نظم تسرق وتحط في محاوره



وانت ماشي يقولون فلاح المورقي يسرق الحان تركي


وفي المقابل تركي ماخذ اللحان من اريام

يعني نحط موضوع تركي يسرق اريام

[برّاق نجد]

كلكم مع احترامي لكم فاضين ولاعندكم شغل

والمحاوره الله لايعيدها دام فيها تركي وسلطان

ادبلت كبود الناس والكل قام يسب عرض الناس

لابوها محاوره سفاف وانحطاط اخلاق

سلمني على الشعراء القدماء وفقط ..

واللي مات منهم الله يرحمه

[صاهوود]

يالربع السفية اليا تكلم مالة الا الحقران ولا يرد علية

ثانيا لاسلطان درا عنا ولا تركي درا عنا وحنا ناخذ اذنوب فالعالم

من كثر مانهرج فيها والموضوع لا يسمن ولا يغني من جوع وتركي قام حظة
وسلطان قام حظة بغض النظر عن مستواهم

ثالثا في عضو من اعضاء شاعر محاورة يصير خال تركي لو يشوف الامور

هاذي وش تبونة يقول علموني يالربع

فالرجاء طرح ماهو مفيد دعوها فانها نتنة

[محمد ابن رووق]

اقول يا صاهود احترم نفسك محد قال عنك سفيه الى الحين محترمينك


ثانيا واذا عضو خال تركي

من سب تركي اصلا


حنا نتكلم عن الشعر


وبعيدين رد باسلوب محترم ولا تستحقر احد

[ابو فايح]

يالربع اركدوا شوي حنا نتكلم فالشعر فقط وفي بعض سفهاء الجمهور

اخ محمد صاهود ماقال شي انت علامك

براق نجد حياك الله وجهة نظر على العين والراس

[محمد ابن رووق]

السفيه ماله الا الحقران وماغلط


اجل وشنهو الغلط عندك

[ابو فايح]

اخ محمد هو يقصد السفهاء اللي نزلت انا الموضوع للرد عليهم ما قصدك احسن النيه

[وافي الخماش]

ابو فايح ..


مسيت بالخير ..


اشوف انها موالات عادية ..


والاكيد انه توارد افكار ..

والي يقول سرقة .. قل جعلك سالم ..

[ابوتيجان]

الله يهديك يابوفايح

اول شي وشهو تركي حتى تفتح مواضيع علشانه

ثاني حاجة مع احترامنا لتركي وسلطان كلهم شباب وشعرهم عليه ملاحظات ولايعتبرون من اعمدة المحاورة

وانت هالحين تركت مستور ورشيد وحبيب وابومشعاب وابن عياد وملفي وغيرهم من عمالقة المحاورة اللي نقدهم وتحليل محاوراتهم ينفعنا ويفيدنا وفتحت موضوع عن شخص متطفل على الشعر

آخر تعديل ابوتيجان يوم 01-May-2009 في 03:59 PM.