الأولآني شي ثاني

[محمد قبلان العتيبي]

ياجماعه كيف صرنا بعد كنا ليه صرنا =عكس كنا في زمنا الأولآني شي ثاني
يالله انك لاتجازينا بسوء اللي عملنا =يالكريم المستجاب ليا انقلب عكسي زماني
انت ماغيرك ملاذ ولا إله ولا استعنا=ياجميل الحال جمّل حال شعري لا نصاني
واسعفيني ياهجوسي واشرحي قصة زمنا=يكفي المضمون من شعري ولوبضعة ثواني
والرجال اللي تميّز في الخطر منا ومنا=مانقلل شانها لكن هذا مادعاني
اسمعوني والنصيحه تنشرى في ايام كنا=يوم كنا نعطي أحقوق القرابه والعواني
وادري انا غافلين بلهو دنيا وادري انا=ماعطآنا وقتنا لنفوسنا ساعت ضماني
وش كسبنا وش عطينا لتوالي وش عملنا=رحمتك يارب يالفرد الصمد يالمستعاني
لاتواخذنا بفعل اعمالنا وانته أملنا=لاوسيطٍ بيني وبينك ولا لي مكلماني
حرك المستورمن صدري هواجيسٍ تدِنّا=واستفاض القاف بالابيات من شيٍ طواني
واسمعو ياهل الفعايل وأتركو حنا وحنا=فيه علم أمرّ وادهى من طروق الليل داني
بعد جيت ويسر الله والفرص قامت تسنا=والقصيد ليا زهمته في لزومي ماعصاني
قلت والله ماتوخر والله اني مااتونا=لين اوردها وادرّجها على ظهور السواني
ماورى سود الليالي غير تجهيزة كفنا=والله اعلم وش بعدها من محطات ومواني
نطوي الايام والايام هي اللي طونا=مانتبهنا لين صارت من ورى عوج المحاني
لو دامت لرجال الاوليّه ماوصلنا= كان مازال الأميّه الحسين الاصفهاني
ولو جادت يا مهنا كفها باللي تمنا=ماجهلنا نعرف الدنيا نهايتها طماني
هيه ياتارك مواجب الشريعه لا تثنا =روّحت يافزعت الله في الزمان القلباني
دوّروُها وضعها في تالي ايامه تدنا=وصلت الارحام ضاعت الله اكبر يازماني