معمر القذافي وقناة الجزيرة

[عبدالرحمن العقيلي]

بسم الله الرحمن الرحيم

معمر القذافي وقناة الجزيره

والله ماندري من نصدق اليوم=نسمع معمر اوقناة الجزيره
شفنا معمر يلقي السب واللوم=لشعبه وبالذات الشباب الصغيره
يقول ياليت المراجل لها وسوم= حتى نعرف اللي خفا من سريره
مرحوم ياجدي سليمان مرحوم=لولاك ماصارت هك الدار ديره
انا اشهد انك فارسٍ تنطح القوم=لاصاح صياح السيوف الشطيره
حارب جيوش الترك والفرس والروم=سيفه توفى مارجع في جفيره
والله ليشبع فيكم الذيب والحوم=ومن لايهاب؟الموت بكره مصيره
ورعان عبت روسها شلة رخوم=ثم دخلوهم دايره مستديره
من بعد مااعطوهم عقاقير واسموم=بعض الحبوب تروض المستذيره
لاشك تيارٍ من الغرب مدعوم=واشوف ابن لادن دخل فالحظيره
هذا غزو فكري وتخطيط مرسوم= لابد مانقضي على اللي يديره
وان جات للبترول فالامر محسوم=اخذوه كله جعل في الامر خيره
تر الوعد بكره بميناء سلوم =ومن يستلم حقه تراني خشيره
قايد ولي دستور واضح ومفهوم=مثلي مثل هاك العجوز الشهيره
اترك قناةٍ تظرب القوم بالقوم=ماهي جزيره غيروها الحقيره
اماالجزيره جابت علوم وعلوم =ماهي علوم الا مصائب خطيره
قالت معمر وحش والشعب مظلوم=لابد يترك منصبه مثل غيره
وجاهل وحنا اعلام مانقبل السوم=حنا مغن الصدق واهل البصيره
دستورنا مافيه خافي ومكتوم= الله خلقنا نور لاهل الجزيره
ماهمنا معمر ولاحولنا هموم=ولا حسبنا حساب شره وخيره
ماعندنا مجامل ولاحبة خشوم=واللي مثل شرواه مانستشيره
يازين وجه البوم في عشة البوم =يتذكر انه كان قايد مسيرة
متقلدٍ له فروةٍ مالها كموم=اظنها ماهي مقاسة كبيره
ماشفت من حوله لحوم البشر كوم =غبنا وقام يحوشهم بالذخيره
وان جات للثروة ليا غطه النوم=تقسموها قبل يصحي دشيره
عنده عيالٍ مابهم شخص مهضوم=مع درب ابوهم مثل جوحا وحميره
محدن دعاه يقولها مير مشؤم=محدن دعاه يجيب للنفظ سيره
هذا دليل انه مضيع ومنجوم=محترقةٍ عنده سلوك الظفيره
سلم على حسني مبارك هكليوم=يوم انه انهاها بستر وستيره

للشاعر:عبدالرحمن العقيلي

[ولدعساف]

حياك الله ياعبد الرحمن عسى ماشر لك مده غايب !!

وصح لسانك واعتلا شانك .. والله يصلح أحوال المسلمين

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[فهد الزهراني]

صدق ما تراه عينك

صح لسانك ياعبدالرحمن

قصيدة جميلة ولي عليها بعض الملاحظات...مثل الشباب الصغيره لا اعتقد ان تركيبها صحيح وكذلك يازين وجه البوم ارى الافضل ياشين

وقد اكون مخطئ مجرد رأي

تحياتي لك ولحضورك الجميل

[مرزوق حمدان العتيبي]

..

.

صح لسانك واعتلا شانك .. يالعقيلي
والله يصلح أحوال المسلمين
..
وملاحظة فهد الزهراني نستفيد منها جميعاً ...
مودتي ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[شاعر زمانه]

صح لسانك وعلا شأنك يالعقيلي قصيده ما عليها كلام

مع أني ما أسمع في قائد الثورة , وأكره الجزيره

[عبدالرحمن العقيلي]

ولد عساف

الف شكر على مرورك وكلامك االطيب

متواجد في اغلب الاحيان في قسم المحاوراتصح بدنك وبيض الله وجهك

دمت بخير

[عبدالرحمن العقيلي]

المشاركة الأصلية كتبت بواسطة فهد الزهراني

صدق ما تراه عينك

صح لسانك ياعبدالرحمن

قصيدة جميلة ولي عليها بعض الملاحظات...مثل الشباب الصغيره لا اعتقد ان تركيبها صحيح وكذلك يازين وجه البوم ارى الافضل ياشين

وقد اكون مخطئ مجرد رأي

تحياتي لك ولحضورك الجميل

صح بدنك ملايين يافهد

ملاحظاتك

الاولى ملاحظة فارق لهجة القبائل

الملاحظ الثانية القصد ابعد مما تقصد شكراااااااااااا

دمت طيب

[عبدالرحمن العقيلي]

المشاركة الأصلية كتبت بواسطة مرزوق حمدان العتيبي

..

.

صح لسانك واعتلا شانك .. يالعقيلي
والله يصلح أحوال المسلمين
..
وملاحظة فهد الزهراني نستفيد منها جميعاً ...
مودتي ...

صح بدنك ملاييين يامرزوق

وملاحظة فهد علقت عليها

[عبدالرحمن العقيلي]

شاعر زمانه

نجاح قائد ثورة

لايعني نجاحه في مسيرة قيادة شعب اذااا نجح قائد ثورة وسلم الامر للشعب لاختيار الرئيس الذي يرغبون فيه هنا القائد الذي ينحب اما وينجح في الثورة ويمسك الكرسي والسلطة لالالالالالالالالالالالالا
والف لالالالالالالا

تحياتي

[عايش دحيم العتيبي]

بارك الله بك , شكراً أخي الكريم