وارجلي اللي مامشت درب الانذال = ولاقط سارت مع طريق المقفي
اليوم غادن حالها فالزمن حال = ومن التعب قد صابها مايكفي
دنياي تحداني على درب الاهوال = تدفني قدام الاهوال دفي
قامت عليه تلوي حبال بحبال = وعيت تهيالي على شف شفي
وبعد عليه ضاقت دروب وامال = وكتبت مصاريف الشقا في ملفي
نصيت بعد الله محمود الافعال = شيخن طليق حجاج مده يوفي
شيخن ليا كبرت وموالها طال = وقامت تلف مغربل الحال لفي
عليه ماتصعب محاكيم الاقفال = الكايده قدمه تهون وتخفي
ظفرن كريمن صيرمي سمح الاقبال = نارن على راس العلم ماتطفي
هذاك ابوتركي بدر طيب الفال = في مدحه اقلام القصايد تجفي
ابن عمر من روس شيخان وابطال = اهل الامارة والمقام المكفي
امارتن تحفظ من اجيال لاجيال = وتكف امارات الرياجيل كفي
اخوان سبلا بجودهم تضرب امثال =ركن القبيله صرحها اللي مضفي
منزالهم دايم على نايف الجال = يوم اكثر وجيه العباد متخفي
ياامير انا جيتك وشاكي لك الحال = وحظن لهو حي ولاهوب متوفي
ومنايه اللي كل ليله على البال = وقفتك ياسمح المحيا بصفي
« آخـــر الـــمـــشـــاركــــات »
مدح في بدر بن عمر بن ربيعان
العرض الشجري