كلي كـرم .. !! ( يوتيوب )

[سعد المسـعودي]

كلي كر م ...



كلمات الشاعر : سعد المسعودي

أداء الشاعر : يوسف العتيبي

تصميم الشاعره : شيخة الغيد





......











..



.

ياحادي (ن) ركبي على جال واديك = مدري درك حاديك ولاّ حديتك
خذها قصيدة قدح من رأس داعيك = الروح ماتولا وأنا ماوليتك
حتى خفق ميزانها من تغليك = وأستحوذت في خافقي وأحتويتك
صورة خيالاً حلمها تلتقي فيك = ودرب العنا صعب المحال إن شقيتك
ماغبت لوتغفا نديمك وأصحيك = وأغفا بحيرت واقعي وإن لفيتك
وجسدت للذكرى براويزماضيك = وحصنت لك سور ٍ جويد وبنيتك
على يقين المرتجي عين راجيك = ويزول عنها زيفها لالقيتك
وعشت بحقيقة ماأستحلته وأناديك = وأحتارت دموعي وأنا مابكيتك
ماهيب صدفه لارمتني وترميك = على مدارج قدرته ماطويتك
وأقرب وتقربني مساعي حراويك = ومن لهفة أشواقي عجول ٍ ضويتك
على وتر ليلاك عزفي وأغنيك = وأفك لك مغلوق بيبان بيتك
حليت في صدر ٍ يظمك ويحويك = قلب ٍ وطن .. ياشعب قلبيٍ فديتك
أدلج على الظامي معاذب محاليك = لوكان أعلك من ظما مارويتك
ماشح بي كلي كرم وأنت عطنيك = وأجرمجاري دمها لاحييتك
أبرتمي بدموعها لين ترضيك = نفس ٍ حصيلة دمعها ماقويتك
خذني بلارحمه على راحة إيديك = لأني بلاظلمك جحود إن خذيتك
ولاّ بلا عيني هي الروح تكفيك؟ = مني قليل إن عشتها ماوفيتك
لويستوي جنسك فلاأحد ٍ يساويك = عندي فرقت بعالمي وأنتميتك
بديت بي وشلون أببدأوأباأنهيك = فالوصف حيّرة القلم مابديتك
أصلك ثمين الشعر يقطف معانيك = لأنك ثمر بستان غرس ٍ نقيتك
أطلب رضاك وطمعتي في معاليك = تقبل جواهر مانظمت وهديتك
لبيك قلّي وش تبي بس ألبيك = لاأكرمتني لاتقول لي وش عطيتك

..



أخوكم : سعد المسعودي
الحرالأشقر

التوقيع

آخر تعديل سعد المسـعودي يوم 18-Dec-2011 في 11:56 AM.