يازيــن كــانك تسمــع الصــوت يازيــن

[سعود طالع الشيباني]

الله من همٍ نثر عبرة العين=وخلاني أسهر والمخاليق نيام
ماغير أصد بوجهي يسار ويمين =وأصافق الكفين وأعظ الابهام
ولاعاد يسوى عندي العيش قرشين =من يوم شان الوقت والحظ ماقام
يازين كانك تسمع الصوت يازين =خل الحقايق تفضح اسرار الاحلام
ماعاد عندي صبر والناس دارين = وأنته تفنن فيً قـدام الاخصام
أزعلتني وأرضيت ناسٍ حسودين= وخليتني بين الروابع والاوهام
مكنت سهمك بين الاضلاع تمكين =وأنا أحسبنّك ماتغيرك الايام
أمشي معك لاشك مدري على وين= وضلوع صدري من تناهيتي احطام
أرجوك تنطقها ولو بس حرفين =وتريح اللي من تصرفك منضام
ليتك غرست بداخل الجوف سكين=ولا أحرمتني صوتك وشوفك من العام

ســـعـود طــالع الشــيـبانـي