...........يا صاحبي.............

[بن برقا]

السلام عليكم ورحمة الله وبركاته

إخواني أعضاء منتدى عتيبة الهيلا لكم مني التحية والسلام

وهاذي مشاركة بسيطة مني وهي قصيدة كتبتها وعساها تعجبكم

و هي أول قصيدة أنشرها في هذا المنتدى

ياصاحبي لاضاق صدرك من الناس=وغابت عن عيونك نجوم الثريا
قم شب لك في تالي الليل مقباس=في راس رجم(ن) في ديار(ن) خليا
وضبط دلال(ن) خامها قطعة نحاس=وإزهم خوي لك مقامه عليا
وجر صوتك لين تشفى من الباس=الله يجنبنا دروب البليا
ترى البلا يجلب على القلب هوجاس=كاس شرابه دك قلب(ن) قويا
قد دك قلب الزير من فعل جساس=خلا خفوق الزير يمسي شقيا
ياما شربت وذقت مر(ن) من الكاس=أبغى الصبر لكن صعب(ن) عليا
الصبر ميزة مير عسر(ن) على الناس=قوم(ن) تمنوا مالقوا منه شيا
وإقرا كتاب الله وإحني له الراس=والله يغفر ذنوبنا والخطيا

..(بن برقا)....المحياني