~*¤ô§ô¤*~ فيافـــي نجــــد ~*¤ô§ô¤*~

[مشعل المقــاطي]

السلام عليكم ورحمة الله وبركاته


هذه قصيده للشاعر/ صالح بن مفرج المقاطي

وتعتبر المشاركه الاولى له في عالم المنتديات وانشالله تحوز على رضاكم

والقصيده تعبر عن نفسها ....

ليش ياهاجوس قلبي فالحنايا مستكنّا=دام حنا في فيافي نجد هيض بالغناني
عان قلب اللي على يمناي بالمسحوب غنّا=انق من بين البيوت الشامخات أم المعاني
نعنبو قلبٍ ليا نخيته مايحنّأ=بعد ماظلى منول لادعيته ما عصاني
بعد ما غلقت قال أرجوك رد العلم عنّا=لو نبا العصيان يمدينا عصينا من زماني
السبايب منك ياصالح عليّه لا تجنّا=خابرك طرقي ولنت مقيم واتعبت الحصاني
مطلق عقال المطية في خطاها ماتونّا=مصبح في دار عاصي والمسى يم حلباني
لا تحسب اني يابو نايف من الطرقة معنّا=شايفك عجلان تعد الدقايق والثواني
ليش هجران الديار اللي لها عزٍ مبنّا=بعد مدتلك يمين العز واثرك قلباني
لا تزيد الجرح جرح ولا تزيد الغمر حنّا= روح في دربك وخل ديار ذرفين اليماني
كيف تنسى عهدٍ في جوف السنين اللي مضنّا=وانته اللي قلت هذا العهد في خوفٍ واماني
حمل لويشد في ظهر الجمل رجله تثنّا=منت قاوي للحمول الكايده يامودماني
بعد ما أوحيت الكلام اللي كما الرمح المطنّا=قمت من مركاي واقف بعد مازلزل كياني
حسبي الله فوق قلبٍ مايكن السر كنّا=احسبنه مايبيح السر من بانه وباني
والله اني ما جفيت أهل الوطن هذا وطنّا=مير ظرف الوقت ابو حدين عن نجد يحداني
يشهد الله ماملا عيني شمال ولا يمنّا=عالي المنزال مثل الجدي وسهيل اليماني
سم حالي من فراقه حمل ابو تسعين طنّا=في جنوبي من علومه مثل ضرب الخيزراني
المشاعر في فوادي بين حكم وبين صنّا=نلت منها ما بغيت وقمت كساب الرهاني
حالفٍ لجنا القوافي الناضجه من كل فنّا=كل بحر لاطرقته فك بابه وأنتصاني
إيتلاطم في عيوني لين قدامي تثنّا=والله اني مااسفهه مادام بالجزلات جاني
كل بيت يدف أخوه حذرا تمتحنّا=جيت قبلك فالقصيد وانت فالترتيب ثاني
قلت يابحر القوافي القصايد هيضنّا=كل بيت من البيوت يقول أنا طلق اللساني
بعدها حفرت أنا وياه للعلم ودفنّا=واتفقنا واستوانا من على هاك المكاني