هذه القصيده رثاء في والدتي رحمها الله وأسكنها فسيح جناته اللهم آمين التي توفت يوم الجمعه بتاريخ 7\ 6 \1428 هـ وذلك أثر حادث بعد تأديتها مناسك العمره أثناء عودتها للرياض جعلها الله في جنة الفردوس وجميع أموات المسلمين.
ومن حقي على من يقرأها أن يدعو لها.
ربنا يامعين عبدك في جهاده = وعالم بعمال خلقك في خفاها
ترحم اللي منهيه عمره وعباده = يوم جمعه راجعه والموت جاها
أمي اللي قضت العمر بزهاده = قايمه في الليل وتصلي ضحاها
طار عقلي ودمع عيني في زياده = يوم جاني علم موتتها ونباها
ولعت في القلب نار بلا رماده = والله المعبود ماتطفى لضاها
مات قايد جيش لاوالله قياده = القياده اللي يوصى في رضاها
أشهدني بعدها بهم ونكاده = وأشهدني ميت (ن) ليلة عزاها
صار بيتي مظلم(ن) يوحش سواده = من يلومه جعله يدفن في ثراها
راح ركن البيت يابوي وعماده = راح نوره راح روحه من خذاها
قالها اللي له شهر معلن حداده = تشتكي عينه من الدمع وبكاها
ياعساها بقبرها فنور وسعاده = ضاحكه مستبشره والخير جاها
جعلها مع الرسل وأهل الشهاده = وجنة الفردوس مثواها وجزاها
آخر تعديل ماجد المحياني يوم 03-Sep-2007 في 02:36 AM.
« آخـــر الـــمـــشـــاركــــات »
20-Jul-2007, 03:36 AM
قصيدة رثـــــــــــــاء في أمي
العرض الشجري