احس انها شاشه وقلبي لها ريموت على البعداخليها تكلم واسكتها

[صبي حرب]

[poet font="Simplified Arabic,4,white,bold,normal" bkcolor="transparent" bkimage="backgrounds/21.gif" border="ridge,5,indigo" type=0 line=350% align=center use=ex length=0 char="" num="0,black" filter=" glow(color=royalblue,strength=2)"]
أنا كل ما هاضت هجوسي نظمت ابيوت=نظمت البيوت وكل نفس ٍوقدرتها
أسلي بها نفس ٍتكوت العباير كوت=تجي ثم تنطحأ المعزه وردتها
يضم الروابع مثل ضم البحر للحوت=عسى اللى جمعها عن ضميري يشتتها
والا يانديبي قوم قبل الاون يفوت=لعلك رفيق ٍتوصل النفس غايتها
على اللي ليا شغـل صلنصين ماله صوت=كما همس عذرا َ مع حبيب ٍ يخافتها
طرازه سفاره والعلامه على الكبوت=يجيب الديار اللى بعيده مسافتها
عريض التوايرللصعانين يوم ايشوت=تبث الشرار مع السما يوم يزفتها
ابا انصابه اللى سرها بالحشا منحوت= لعل المطر يملا الخباري بديرتها
على شان تصبح منطقتها مثل بيروت=جميع الورود اللى بلبنان تنبتها
فتاة ٍ لبسني حبها مثل لبس الكوت=تمر بخيالي كل مانمت صورتها
غنوج ٍ تشابه مهرة ٍ حبلها مفلوت=جذير ٍ ظهير ٍ تو حانت اعسافتها
احس انها شاشه وقلبي لها ريموت=على البعد اخليها تكلم واسكتها
وترى الحب حوض ٍ منبعه من حياض الموت=ذبح له رجال ٍبالملايين عدتها
ذبح له رجال ٍ يكتمون الغرام اسكوت=مشاهير وخير العماهيج واثبتها
مثل نمر ابن عدوان والشاعره بخوت= وابو زيد مع عليا وليلى وقصتها
[/poet]