سلام تسليمٍ بلا رسم وحدود

[محمد النخيش]

بسم الله الرحمن الرحيم



هذه القصيده في زواج الشاب سند فلاح النخيش


وحبيت أنزلها لكم أمل أن تنال إعجابكم

سلام تسليمن بلا رسم وحدود=مثل المطر لاعم في كل البلاد
سلامن أغلى من ملايين النقود=حصاد سلمن مايجي مثله حصاد
للي حضر حفلن تراحيبه وقود=شبت مع الأنوار لين النور زاد
وأنا مع الترحيب أثني ومحمود=ترحيبتي عن لابتي عز وعتاد
يامرحبا ترحيبةن مثل الورود=اللي لها تعبير عن حب ووداد
يامرحبا ترحيب من ورث الجدود=إعداد مانسنس نسانيس البراد
يامرحبا بالكل ربعي والوفود=ترحيبةن تثنى وتربع باعتماد
في ديرتن من يوم حكم آل السعود=وحنا نسوق الرجل مع دربن سناد
في ظل شيخن باذلن كل الجهود=لجل التميز والتطور والسداد
في ظل أبن زايد لعله فالوجود=وعساه طيب كلما هالعيد عاد
الليل طاب ونوره الساطع يزود=ليلة عياد الله يطيب هالعياد
عيدين في ليله بفضل اللي يجود=والله يجعل هالليالي فازدياد
عيد وفرح بالفطر ياجعله يعود=والعيد الآخر حفل مروين الحداد
ليلة زواج الشبل من هاك الأسود=يومن من أيام الفرح جعله يعاد
أقولها والناس لأقوالي شهود=عيدن توسط عيد بالعلم الوكاد
ومن بعدها مادام في صدري حشود=امعسكراتن تنتظر طق الزناد
تجول في صدري مثل جول الجنود=اللي امعده للحرايب والجهاد
لكنهن امحملاتن بالعهود=مثل الحمام الزاجل اللي مايصاد
مضمونها التبريك من قلبن ودود=تشيلها اجنود المشاعر باجتهاد
وتحطها لك يابن عمي بالركود=هديةن مني وأنا لك بالمراد
معها المنى بالعز والخير العمود=يومن طيب الأصل يبقالك شداد
مبروك يابن العم جعلك فالوجود=لك ياسند يامحزمي وقت الهجاد

وسلامتكم

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

آخر تعديل محمد النخيش يوم 23-Nov-2008 في 12:00 AM.